हेटौडामा ‘वन लगानी’ कार्यक्रम

१५ भदौ, हेटौडा । रेड प्लस कार्यान्यन केन्द्र, बबरमहल, काठमाण्डौंको आयोजनामा आज हेटौडामा नेपालको सन्दर्भमा वन लगानी सम्वन्धि अन्तरक्रिया कार्यक्रमको आयोजना गरिएको छ ।

गोष्ठीमा वन विनासका कारणहरु,प्राथमिकताम परेका वन विनासर क्षयीकरणका कारक तत्व,कम गर्ने सम्भावित कृयाकलापहरु, आदिवासी जनजाती तथा स्थानीय समुदायको अपनत्व बढाउने लगायतका विषयहरुमा छलफल गरिएको थियो । कार्यक्रममा नेपालले २०१७ को अक्टोवर महिना भित्रमा कार्यक्रमको मस्यौदा विश्व बैकमा पेश गरिसक्नु पर्ने भएकाले ७ वटै प्रदेशमा कार्यक्रम गरी प्राप्त भएका सुझावहरु समेत समेटेर प्रस्तुत गर्ने योजना रहेकोमा हाल सम्म ६ वटा प्रदेशमा कार्यक्रम गरिसकिएको केन्द्रले जनाएको छ ।

कार्यक्रममा रेड कार्यान्यन केन्द्रका उपसचिव अजयविक्रम मानन्धर, वन विशेषज्ञ शम्भु दंगालले कार्यपत्र प्रस्तुत गरेका थिए । कार्यक्रममा वन विनास रोक्न गर्नु पर्ने क्रियाकलापहरुको बारेमा ७ वटा समूहहरु बनाई छलफल गरिएको थियो । नेपालले वनको विकास र संरक्षण गरी वनको हैसियतमा सुधार गरेमा सन २०२३ सर्मपित अनुदान र ऋण रकम प्राप्त गर्ने कार्यक्रममा जानकारी गराईएको थियो । कार्यक्रममा  मध्यमान्चल क्षेत्रीय वन निर्देशक शिवकुमार वाग्ले,बेलायतमा बसी नेपालको वनको विकासमा सहयोग गर्दै आएका पिटर ब्रानी, वन विशेषज्ञ दिलराज खनाल लगायतकाले वनको दिगो विकासको बारेमा जानकारी गराउनु भएको थियो गराएका थिए । 

जिल्ला वन कार्यालय, भू–संरक्षण कार्यालय, जिल्ला वनस्पति कार्यालय, वार्डेन, फेकोफोन, हिमवन्ती, निजी वन, वन विज्ञान अध्ययन संस्थान, विद्यार्थी, सञ्चारकर्मी लगायतको सहभागिता थियो ।