चित्रेपानीद्वारा वडाध्यक्ष र पत्रकार सहित ६ जनालाई सम्मान

१० साउन,हेटौंडा। हेटौडा–६ मा रहेको चित्रेपानी सामुदायिक वन उपभोक्ता समूहले  वडाध्यक्ष र पत्रकार सहित ६ जना व्यक्तिहरुलाई सम्मान गरेको छ । समुहले विभिन्न विद्यामा उत्कृष्ट काम गर्ने ६ जनालाई सम्मान गरेको हो।समूहको आइतबारबाट सुरु भएको  २० औं वार्षिक साधारणसभामा ६ जनालाई सम्मान गरेको हो। 

वन समुहले डिभिजन वन कार्यालय मकवानपुरका डिभिजनल वन अधिकृत इमनाथ पौड्याल,सव डिभिजन वन कार्यालय हेटौडाकी प्रमुख गायत्री शर्मा,हेटौडा–६ का वडाअध्यक्ष अर्जुनप्रसाद चौलागाँई,सञ्चारकर्मी भीमसेन पौडेल,डावर नेपालका एशोसियट म्यानेजर विष्णु केसी र चित्रेपानी सामुदायिक वन उपभोक्ता समूह हेटौडा–८ की अध्यक्ष बालकुमारी थापालाई सम्मान गरेको हो। 

डिभिजनल वन अधिकृत इमनाथ पौडेलको प्रमुख आतिथ्यता एवम समूहका अध्यक्ष सूर्य बहादुर घलानको अध्यक्षतामा  भएको कार्यक्रममा समूहकी सचिव रजनी गौतमले प्रगति प्रतिवेदन,लेखा संयोजक भानुप्रताप विडारीले लेखा समितिको प्रतिवेदन र चालु आर्थिक वर्ष २०७८।०७९ को लागि करिव ४९ लाखको अनुमानित आय व्यय विवरण प्रस्तुत गरेका थिए ।

कार्यक्रममा सामुदायिक वन उपभोक्ता महासंघ मकवानपुरका कोषाध्यक्ष बलराम अधिकारी,रानी सामुदायिक वनका उपाध्यक्ष केशव धिताल, रोटरी क्लव हेटौडाका अध्यक्ष राम प्रसाद शर्मा,समूहकी सहसचिव सविना विक,सल्लाहकार कुमार तिमल्सिना लगायतकाले मन्तव्य व्यक्त गरेका थिए ।