आज मकवानपुरमा जोन्सन एण्ड जोन्सको खोप लगाईदैं

file photo

१२ साउन, हेटौंडा । मकवानपुरमा आज र भोली गरी दुई दिनसम्म ५० बर्ष देखि ५४ बर्ष सम्मका सर्वसाधरणलाई कारोना भाइरस विरुद्धको खोप जोन्सन एण्ड जोन्सन खोप लगाईदै छ । 
मकवानपुर जिल्लाका लागी जोन्सन एण्ड जोन्सको २३ हजार मात्रा खोप आइसकेको र आज र भोली गरी मकवानपुर जिल्लाका सबै १० स्थानिय तहमा खोप लगाईने स्वास्थ्य कार्यलय हेटौंडा, मकवानपुरका प्रमुख प्रणय कुमार उपाध्याले जानकारी दिएका छन् ।
अमेरिकी खोप जोन्सन एण्ड जोन्सन मकवानपुरका ५० बर्ष देखी ५४ बर्ष भित्रका, विदेश जाने र रातो तथा निलो परिचय पत्र बाहक अपाङगता भएकाहरुलाई प्राथमिकता दिएर लगाईने हेटौंडा उपमहानगरपालिकाका स्वास्थ्य निरीक्षक भोला चौलागाईले जानकारी दिए । यस्तैै खोप बाँकि रहेको अवस्थामा १८ वर्षभन्दा माथीका खोप लगाउन फारम भरेकालाई पनि दिईने निरीक्षक चौलागाईको भनाई छ । 
खोप लगाउँन अनलाईन फारम भर्न सकिने जानकारी दिँदै निरीक्षक चौलागाईले खोप लगाउनका लागी www.vaccine.mohp.gov.np मा उपलब्ध फारम भर्नुपर्ने बताए । 
फारम भरिसकेपछि प्राप्त हुने दर्ता नम्बर र परिचय पत्र लिएर आफुलाई पायक पर्ने नजिकको खोप केन्द्रमा गएर खोप लगाउन सकिने निरीक्षक चौलागाईको भनाई छ ।