टोकियो ओलम्पिकः ३६ स्वर्ण पदकसहित चीनको अग्रस्थानमा

google

२३ साउन, हेटौंडा ।  जापानको राजधानी टोकियोमा जारी विश्व खेलकुदको कुम्भमेला ३२ औं गृष्मकालीन ओलम्पिक खेलकुदको पदक तालिकामा चीनको अग्रता कायमै छ ।
ओलम्पिकको १४ औं दिनको खेल सकिदा २ सय ९३ स्वर्ण पदकको छिनोफानो भएको छ । जसमा रसियन ओलम्पिक टिमसहित कुल ६३ राष्ट्रले स्वर्ण पदक जितेका छन् ।
चीनले ३६ स्वर्ण पदकसहित कुल ७९ पदक सहित पदक तालिकामा अग्रता कायमै राखेको हो । पदक तालिकामा अमेरिकाले चीनलाई अमेरिकाले पछ्याईरहेको छ । दोस्रो स्थानको अमेरिकाले ३१ स्वर्ण पदकसहित कुल ९८ पदक जितेको छ ।  
तेस्रो स्थानमा रहेको जापानले २४ स्वर्णसहित कुल ५१ पदक जितेको छ । ग्रेट ब्रिटेन १८ स्वर्णसहित ५८ पदक जितेर चौंथो स्थानमा रहदा रसियन ओलम्पिक कमिटि १७  स्वर्णसहित कुल ६२ पदक जितेर पाँचौं स्थानमा रहेको छ ।
यस्तै अष्ट्रेलियाले १७ स्वर्ण जित्दा इटालीले १० स्वर्ण जितेको छ । जर्मनी र नेदरल्यान्ड्सले ९÷९ तथा फ्रान्स र न्युजिल्याण्डले ७÷७ स्वर्ण जितेका छन् भने क्यानडा, दक्षिण कोरिया र क्युबाले ६÷६ स्वर्ण हात पारेका छन् ।
यसैगरी हंगेरीले ५ स्वर्ण जित्दा ब्राजिल, पोल्याण्ड, चेक रिपब्लिक र जमैकाले ४÷४ स्वर्ण जितेका छन् । यस्तै स्पेन, स्विट्जरल्यान्ड, स्लोभानिया, बेल्जियम र क्रोएसियाले ३÷३ स्वर्ण जितेका छन् । 
दुई स्वर्ण जित्ने राष्ट्रमा स्विडेन, जर्जिया, इरान, उज्वेकिस्तान, नर्वे, डेनमार्क, चाईनिज ताइपे, इक्वेडर, कोसोभो, कतार, ग्रीस, बहामास,केन्या, सर्बिया र युगान्डा  छन् । त्यस्तै २४ राष्ट्रले १÷१ स्वर्ण पदक जितेका छन् ।