हेटौँडालाई प्रदेशको राजधानी बनाउन दलको ऐक्यबद्धता   

१८ भदौ,हेटौँडा । हेटौंडालाई तीननम्बर प्रदेशको राजधानी बनाउने उद्देश्यका साथ  जनदवाव समूहले गरेको अभियानमा मकवानपुरमा क्रियाशिल ४ राजनितीक दल र सामाजिक संघसंस्थाले ऐक्यबद्धता जनाएका छन् । हेटौंडालाई तीन नम्बर प्रदेशको राजधानी बनाउने विषयमा जनदवाव समूहले आज गरेको कार्यक्रममा मकवानपुरका राजनितीकब दल र सामाजिक संघसंस्थाले ऐक्यबद्धता जनाएका हुन् । 

कार्यक्रममा जिल्ला समन्वय समिती मकवानपुरका प्रमुख रघुनाथ खुलाल, नेकपा एमाले मकवानपुरकी अध्यक्ष मुनु सिग्देल, नेपाली कांग्रेसका प्रबक्ता प्रदिप कोइराला, नेकपा माओवादी केन्द्रका कमानसिंह पाख्रीन, राप्रपाका सिताराम बर्तौला र सुन्दर साहीले ऐक्यबद्धता जनाएका हुन् । 
कार्यक्रममा नारायणी यातायात व्यवसायी संघका अध्यक्ष बद्री चौलागाई, उद्योग संघका अध्यक्ष नवराज अर्याल, मकवानपुर उद्योग वाणिज्य संघका उपाध्यक्ष कृष्ण अग्रवाल, रेडक्रस सोसाईटी मकवानपुरका सभापति सुर्यचन्द्र न्यौपाने लगायतकाले मन्तब्य ब्यक्त गरेका थिए । कार्यक्रम जनदवाव समूहका ध्रुब प्रसाद चौलागाईको संयोजकत्वमा भएको थियो भने हेटौंडा मध्यमाञ्चल क्षेत्रको सदरमुकाम भएको कारणले प्रदेशको राजधानीको रुपमा स्थापना गर्न सकिने ऐक्यबद्धता जनाएका दलका प्रतिनीधिहरुले बताएका थिए । त्यसैगरी प्रदेश नम्बर ३ को राजधानी हेटौँडालाई बनाउन भोली १९ गते  पार्टी र जन दवाव समुहले जिल्ला प्रशासन कार्यालय मकवानपुर मार्फत सरकारलाई ज्ञापनपत्र बुझाउने चौलागाईले बताए ।