मकवानपुरमा भोलिबाट निषेधाज्ञामा कडाई गरिने:प्रजिअ पाण्डे

२४ साउन,हेटौंडा। मकवानपुरमा भोलिबाट निषेधाज्ञा कार्यन्वयनमा कडाइ गरिने भएको छ।जिल्ला प्रशासन कार्यालय मकवानपुरले कोरोनोको सक्रिय संक्रमित बढेसँगै एक साता निषेधाज्ञा थप गर्दै सोमबार  कार्यन्वयनमा कडाई गरिने मकवानपुरका प्रमुख जिल्ला अधिकारी भरतमणि पाण्डे बताए। 

उनले  मास्क नलगाई हिडेमा र जोर विजोर प्रणालीमा यातायात संचालन नगरे र निषेधाज्ञा उल्लंघन गरे कारवाही गरिने बताएका छन् । उनले सोमबार विहानैदेखि जोर विजोर प्रणालीलाई कडाइ गर्न,मास्क अनिवार्य गर्न र तोकिएको समय भन्दा बाहेक व्यवसाय तथा पसल खोले नखोलेको अनुगमन गर्न सुरक्षाकर्मी परिचालन गरिने बताए ।उनले जनताका लागि कोरोनाको जोखिम रोक्न लकडाउन गरेकाले यसलाई पूर्ण पालना गर्न सुझाव समेत सर्वसाधारणलाई दिए । 

उनले अत्यावश्यक सेवाका सवारीलाई कुनै रोक नलगाएको बताउँदै अनावश्यक हिडने स्वास्थ्य मापदण्ड पालना नगर्ने र जोर विजोर प्रणालीलाई कडाइ गर्दै अटेर गरे सक्रमण रोग नियन्त्रण ऐन अन्तर्गत कारबाही गरिने बताए।यता मकवानपुरका निमित्त प्रहरी प्रवक्ता प्रहरी निरीक्षक देवेन्द्र दासले जिल्ला प्रशासन कार्यालय मकवानपुरको निर्णय बमोजिम निषेधाज्ञालाई कडाई गर्न भोलिबाट हेटौंडा बजार भित्रिने चार किल्ला र जिल्लाको  बजारी क्षेत्रमा सुरक्षाकर्मी परिचालन गरिने बताए।