रक्षादेवी मन्दिरलाई लामिछाने परिवारको सहयोग

२९ साउन,हेटौंडा। हेटौडा–६ चौघडामा रहेको रक्षादेवी मन्दिरलाई चौघडाका निवासी लामिछाने परिवारले सहयोग गरेका छन । बंशगोपाल मावि चौघडाका अध्यापक सरोज लामिछाने र निजकी धर्मपत्नी अम्विका लामिछानेले हजुरबुबा अमृतनाथ लामिछानेको स्मृतिमा मन्दिर हाताभित्र रक्षेश्वर महादेवको शिवलिंग प्रतिस्थापन गर्नु भएको हो ।

उक्त महादेवको शिवलिंग एक समारोहका विच हेटौडा–६ का वडा अध्यक्ष अर्जुनप्रसाद चौलागाँईले अनावरण गर्नु भएको थियो । रक्षादेवी मन्दिर व्यवस्थापन समितिका अध्यक्ष रमेश कुमार बानियाँको सभाध्यक्षतामा भएको कार्यक्रममा हेटौडा–६ का वडा सदस्य राजकुमार बास्तोला, टोल विकास संस्था वडा समन्वय समिति हेटौडा–६ का अध्यक्ष केशव धिताल, मन्दिर व्यवस्थापन समितिका संस्थापक अध्यक्ष शम्भु बहादुर रिमाल, सचिव राजकुमार फुयाँल लगायतको सहभागिता थियो । राष्ट्रपति चुरे तराई, मधेश संरक्षण तथा विकास समितिले उक्त मन्दिर व्यवस्थापनका लागि १३ लाख ३२ हजार रुपैयाँ सहयोग उपलव्ध गराएको थियो । 

रकमले मन्दिरको भौतिक विकास अन्तरगत रंगरोगन, ईन्टरलक, मार्वल, टायल, भर्याङको सिढी, विवाह मण्डप लगायतका काम भएको थियो । पछिल्लो समय मन्दिरको भौतिक विकासको लागि दाताहरुबाट सहयोग भैरहेको मन्दिर व्यवस्थापनले जनाएको छ ।