जनस्वास्थले गर्‍यो कामको समिक्षा

१९ भदौँ,हेटौँडा । जिल्ला जनस्वास्थ कार्यालय मकवानपुरले गत आर्थिक बर्षमा जिल्लाको स्वास्थ क्षेत्रमा आर्थिक बर्ष २०७३/७४ गरिएका कामको समिक्षा गरेको छ । कार्यालयले सोमबार एक कार्यक्रमको आयोजना गरी उक्त जानकारी गराएको हो  ।

कार्यालयका प्रवक्ता सुरेश यादवले प्रगति विवरण प्रस्तुत गर्दैे गत बर्ष कार्यालयले ३ प्रतिशत प्रगति गरेको बताए भने गतबर्ष कार्यालयको बिनियोजित १९ करोड ७ लाख २६ हजार चारसय ५० रुपैंया  रकममा १५करोड ८० लाख १९हजार ९सय१० रुपैंया खर्च भएको  उनले बताए । जसमा पुँजीगत खर्चतर्फ ८३ लाख २३ हजार चारसय ७ रुपैंया खर्च भएको छ भने चालु खर्चतर्फ १४करोड ९६लाख ९६हजार चारसय३२ रुपैंया खर्च भएको कार्यालयले जनाएको छ । यस्तै गत बर्ष कार्यालयले ग्रामिण सामूदायिक जनस्वास्थ, आधारभूत स्वास्थ तथा नमूना स्वास्थ कार्यक्रम, क्षयरोग नियन्त्रण कार्यक्रम, एकिकृत बाल स्वास्थ तथा पोषण कार्यक्रम, एकिकृत प्रजनन स्वास्थ तथा महिला स्वास्थ कार्यक्रम लगाएतका विभिन्न कार्यक्रमहरु सञ्चालन गरेको छ । उक्तकार्यक्रमका लागि प्राप्त चारकरोड २६लाख ९०हजार रुपैंयामध्ये ६२लाख ८८हजार ६सय६७ रुपैंयामात्र खर्च भएको प्रवक्ता यादवले बताए । प्रमुख जिल्ला अधिकारी चक्रबहादुर बुढाको प्रमुख आतिथ्यता सम्पन्न कार्यक्रम जिल्ला जनस्वास्थ कार्यालयका प्रमुख रामचन्द्र पाठकको अध्यक्षतामा भएको थियो ।