उच्च अदालत पाटन हेटौंडा इजलासमा दुई वर्ष अघिका सबै मुद्धा फछर्यौट

३२ साउन, हेटौंडा । उच्च अदालत पाटन हेटौंडा इजलासले १८ महिना देखी २ वर्ष नाघेका एउटा पनि मुद्धा फछर्यौट हुन बाँकी नरहेको जनाएको छ । 

उच्च अदालत पाटन,हेटौंडा इजलासले सोमबार पत्रकार भेटघाटको आयोजना गर्दै आर्थिक वर्ष २०७७/०७८ मा १८ महिनादेखी २ वर्ष नाघेका एउटा पनि मुद्धा फछर्यौट हुन बाँकी नहरेको जनाएको हो ।

पत्रकार भेटघाटमा अदालतका सुचना अधिकारी केशवराज कौशिकले आर्थिक वर्ष २०७७/०७८ अदालतले  ९३९ वटा मुद्दा फर्छयौट गर्ने लक्ष्य लिएकोमा ८२६ मुद्धा फछर्यौट गर्न सफल रहेको जानकारी दिएका छन। फछर्यौट भएको मुद्धा लक्ष्यको ८७.९६ प्रतिशत रहेको छ ।

सुचना अधिकारी कौशिकले अदालतमा दर्ता भएका देवानी भन्दा फौजदारी मुद्दा बढी रहेकोले गत वर्षको ६१९ मुद्दा फछर्यौट हुन बाँकी रहेको बताए । पत्रकार भेटघाटमा अदालतको यस आर्थिक वर्षमा अघिल्लो वर्षबाट ६१९ वटा मुद्धाको जिम्मेवारी सरेर आएको, गत वर्षमा १ हजार ३७ थान नयाँ मुद्धा दर्ता भएको उल्लेख गर्दै अघिल्लो वर्षमा एक हजार ४४५ मुद्धाको लगत भएकोमा ८२६ मात्र फछर्यौट भएको जनाइएको छ। 

आर्थिक वर्ष २०७८/७९मा १ हजार १४९ नयाँ मुद्धा दर्ता हुने अनुमान गरिएको र  चालू वर्षमा १ हजार १९४ वटा मुद्धा फछर्यौट गर्ने लक्ष्य लिएको कौशिकले बताएका छन् । 

"उच्च अदालत पाटन हेटौँडा इजलासले पुरानवेदन मुद्धा, बैंकिङ कसुर, राजस्व, जन्मकैद भएका मुद्धा, रिट र निषेधाज्ञाका मुद्दाहरु हेर्ने गरेको छ"-कौशिकले भने। 

पत्रकार भेटघाटमा बोल्दै उच्च अदालत पाटन, हेटौंडा इजलासका मुख्य न्यायधीश मोहम्मद साविर हुसैनले अदालत प्रतिको जनआस्था कायम राख्न मिडियाको भूमिका महत्वपूर्ण रहेको बताए । हुसैनले गरिबीका कारण जनताले न्याय पाउनबाट बञ्चित हुन नपरोस् भनेर अदालतमा वैतनिक वकिलको नियुक्त रहेको बताए ।

पत्रकार भेटघाटमा अदालतको आदेश,फैसला र मुद्दामा प्रयोग हुने शब्द सर्वसाधारणलाई बुझ्न कठिन भएन र् ? भन्ने पत्रकारको पश्नमा मुख्य न्यायधीश हुसैनले  कानुनी शब्दकोषमा अदालतको फैसला र मुद्धाका क्रममा प्रयोग भएका शब्द उर्दु, फारसी भाषामा उल्लेख गरेकोले त्यही कानुनी शब्द प्रयोग हुने गरेकोले आमसर्वसाधारणलाई बुझ्न कठिन भएको स्पष्ट परेका थिए । 

पत्रकार भेटघाटमा अदालतका न्यायधीश हरिप्रताप केसी, नागेन्द्र लाल कर्ण, निमित्त रजिष्ट्रार कैलाश प्रसाद भट्टराई, अदालतका कानुन अधिकृत उपस्थिती रहेको थियो । उच्च अदालत पाटन, हेटौंडा इजलासले चितवन र मकवानपुरको पुनरावेदकीय भएका मुद्धा हेर्ने गर्दछ ।