प्रहरीको आचारण सुधार मेरो अठोट : एआईजी घिमिरे

तस्विरःसुनिल शिवाकोटी/ प्रस्ट खबर

२० भदौं, हेटौँडा । प्रहरी अतिरिक्त महानिरिक्षक (एआईजी) केशरीराज घिमिरेले आचारण सुधारमा   आफ्नो ध्यान केन्द्रित रहने अठोट गरेका छन् । ३ नम्बर प्रदेश प्रहरी कार्यालय हेटौँडामा मंगलबार पत्रकारहरुसंगको भेटमा एआईजी घिमिरेले आर्थिक चलखेलमा प्रहरीको  सहभागिता  निर्मुल पार्ने बताएका हुन् । 
उनले राज्य पुर्नसंरचना अनुसार यसअघि क्षेत्रीय कार्यालय रहेको हेटौँडा अहिले प्रदेश कार्यालय भएको भन्दै परिवर्तित संरचना अनुसार काम अघि बढाउने बताए । ३ नम्बर प्रदेशको १३ जिल्ला मध्ये उपत्यका बाहेक १० जिल्ला आप्mनो कार्यक्षेत्र रहेको भन्दै यो क्षेत्रमा अपराधिक गतिविधि न्यूनिकरण गर्न नागरिक र प्रहरीबीचको सहकार्यमा जोड दिंदैमा जोड दिए । ७ बर्ष अघि मकवानपुरमै प्रहरी उपरिक्षकको रुपमा काम गरेको अनुभव सुनाउँदै एआईजी घिमिरेले यस क्षेत्रका समस्याबारे आफु जानकार रहेको बताए । भदौं १५ गते हेटौँडा सरुवा भई आएका घिमिरे यसअघि प्रहरी प्रधान कार्यालयमा थिए । 
कार्यक्रममा सिन्धुलीका प्रहरी उपरीक्षक टिका बहादुर केसी, प्रदेश कार्यालयका प्रहरी उपरीक्षक गणेश थापा, प्रहरी नायव उपरीक्षक उत्तम प्रसाद बराल, कार्यालयका प्रवक्ता चन्द्र किशोर शाह, पथलैया ट्राफिक प्रमुख सुरेन्द्र प्रसाद मैनाली लगायतको सहभागिता रहेको थियो ।