मंंगलबारको जिल्ला लिगमा को को बने विजयी ?

२० भदौ, हेटौँडा । जिल्ला फुटबल संघ मकवानपुरको आयोजनामा हुप्रचौरमा जारी जिल्ला लिग फुटबल प्रतियोगिता अन्तर्गत मगलबार सम्पन्न ४ खेलमा  क्रमश महावीर, कमलदेवी र इन्टरनेट सिटी बिजयी भएको छ भने पशुपति स्पोर्टस एकेडेमी र बुद्ध सामाजिक नमूना क्लब बिचको खेल भने बराबरीमा रोकीएको छ ।

मंगलबार बिहान सम्पन्न पहिलो खेलमा महावीर क्बल र  चुरेकालीका युवा क्लब बिचको  खेलमा २-० गोलले महावीर क्बल विजयी बनेको छ । महावीरको जितका लागि भेषबहादुर खेलको ५ औं र ६३ औं मिनेटमा  २ गोल गरेका थिए भने चुरेकालीका युवा क्लबले कुनै गोल गर्न सकेन । त्यस्तै सम्पन्न दोश्रो खेलमा कमलदेवी युवा क्लबले चौघडा फुटबल टिमलाई ३–२ ले हराउँदै  बिजयी बनेको छ ।

कमलदेवीको जितका लागि सुजन मोक्तान, सुनिल घलान,  र किरण लामाले गोल गरेका थिए भने  चौघडाका लागि २ गोल कृष्ण श्रेष्ठले गरेका थिए  ।

त्यसैगरी आजै सम्पन्न  तेस्रो खेलमा इन्टरनेट सिटीले छिमेकी स्पोर्टस्  क्लबलाई २ का विरुद्ध १ गोलले पराजित गरेको छ  । सिटिका लागि रबि थिङ  र सुशान्त लामाले गोल गरेका थिए । छिमेकी स्पोर्टस्  लागी  पूर्णबहादुर राईले एकमात्र गोल गरे । त्यस्तै मँगलबारनै सम्पन्न   पशुपति स्पोर्टस एकेडेमी र बुद्ध सामाजिक नमूना क्लबबीच बिचको चौथो  खेल गोल रहित बराबरीमा सकिएको छ ।