बंशगोपालको अभिभावक भेला सम्पन्न

भीमसेन पौडेल
२३ भदौ, चौघडा । ३८ औं राष्ट्रिय शिक्षा दिवस एवम् अन्तर्राष्ट्रिय साक्षरता दिवसको अवसरमा  हेटौडा–६, चौघडामा रहेको बंशगोपाल माध्यमिक विद्यालयको १४ औं अभिभावक भेला शुक्रवार सम्पन्न भएको छ । 

भेलामा विद्यालयका प्रधानाध्यापक रमेशप्रसाद लामिछानेले विद्यालयको आर्थिक, भौतिक एवम शैक्षिक प्रतिवेदन प्रस्तुत गरेका थिए । कार्यक्रममा कक्षा १ देखि १२ सम्म कक्षागत रुपमा प्रथम, द्वितिय र तृतिय हुने, कक्षामा बढी उपस्थित हुने, खेलकुद, बक्तित्वकला प्रतियोगितामा विजयी हुने विद्यार्थीहरुलाई पुरस्कृत गरिएको थियो ।

भेलाले आगामी शैक्षिक सत्र देखि प्राविधिक विषयको कक्षा सञ्चालन गर्ने निर्णय भेलाले गरेको विद्यालयले जनाएको छ।हेटौडा उपमहानगरपालिकाका मेयर हरिबहादुर महतको प्रमुख आतिथ्यता एवम् विद्यालय व्यवस्थापन समितिका अध्यक्ष श्यामप्रसाद श्रेष्ठको अध्यक्षतामा भेला भएको थियो ।

भेलामा नेपाल उद्योग वाणिज्य महासंघका केन्द्रीय सदस्य अरुणराज सुमार्गी, हेटौडा ६ का वडा अध्यक्ष अर्जुनप्रसाद चौलागाई, वडा सदस्यद्वय राजकुमार बासतोला, रामहरी राई, श्रोत व्यक्ति किरणकुमार आचार्य, जनकल्याण बचत तथा ऋण सहकारी संस्थाका अध्यक्ष हिमाल पौडेल, शिक्षक तारानाथ खतिवडा, नारायण रेग्मी लगायतकाले मन्तव्य व्यक्त गरेका थिए ।