मकवानपुरका विद्यालय र शैक्षिक संस्था भोलिबाट खुल्ने

सुनिल शिवाकोटी 

२६ भदौं,हेटौंडा। कोरोना संक्रमण दरमा कमि आजपछि मकवानपुर जिल्ला कोभिड-१९ व्यवस्थापन केन्द्रको बैठकले १० वटै स्थानीय तहलाई संक्रमण दरको अवस्था विद्यालय तथा शैक्षिक संस्था खोल्न मिल्ने निर्णय गरेसँगै विगत ४ महिनादेखि बन्द रहेका मकवानपुरका विद्यालय र शैक्षिक संस्था खुल्ने भएका छन। 

मकवानपुरका प्रमुख जिल्ला अधिकारी भरमणी पाण्डेको नेतृत्वमा भदौ १७ गते बसेको व्यवस्थापन केन्द्रको बैठकले १० वटै स्थानीय तहलाई कोरोनाको अवस्था हेरेर विद्यालय खोल्न मिल्ने निर्णय गरेको थियो।शिक्षा समन्वय इकाइ प्रमुख प्रेमराज खरेलको संयोजकत्वमा विद्यालय खोल्न मिल्ने नमिल्ने भन्ने बारे प्रतिवेदन पेश गर्न मकवानपुरका सिडिओ भरतमणी पाण्डेले समिति गठन गरेका थिए। 

डिसिसिएमसीको निर्णय अनुसार १० वटा स्थानीय तहमा रहेको शिक्षा विकास महाशाखाले महाशाखा अन्तर्गत पर्ने विद्यालयलाई विद्यालय संचालन सम्बन्धि कार्यढाचाँ सहित व्यवस्थापन समितिको निर्णय पठाउन विद्यालयलाई पत्राचार गरेको थियो। पत्रचार अनुसारनै १० वटै स्थानीय तहमा रहेका अधिकांश सामुदायिक तथा निजि विद्यालय भोली अर्थात भदौ २७ गते आइतबारबाट खुल्ने भएका हुन। सम्बन्धित विद्यालयले सुचना जारी गर्दै विद्यालय आइतबारबाट खोल्ने जनाएका छन।

विद्यालय संचालनमा आएपनि स्वास्थ्य मापदण्डलाई पुर्ण पालना गर्न,भौतिक दुरी कायम गर्न,भिडभाड हुने सामुहिक कार्य गर्न नगराउन भनिएको छ। कोरोना संक्रमण दर बढेसँगै बैशाखको १५ गतेबाट मकवानपुरका विद्यालय बन्द गरिएको थियो भने वैकल्पिक माध्यमबाट अध्यन आध्यापन गराइदै आएको थियो।