रानी वनको शुभकामना आदानप्रदान

२५ भदौ, हेटौँडा । हेटौडा–६,चौघडामा रहेको रानी सामुदायिक वन उपभोक्ता समूहले विजयादशमी तथा दिपावलीको अवसरमा शुभकामना आदानप्रदान कार्यक्रमको आयोजना गरेको छ । कार्यक्रममा वन समूहका निवर्तमान पदाधिकारीहरुलाई कदर पत्र र मायाको चिनो प्रदान गरि विदाई समेत गरिएको थियो । 
समूहका निवर्तमान अध्यक्ष विष्णुप्रसाद न्यौपाने, सहसचिव मुकुन्दप्रसाद अधिकारी, लेखा संयोजक गोमा लामिछाने, कार्यसमितिका सदस्य हरी बहादुर राई, सुन्तली राई, राधिका लम्साललाई विदाई गरिएको थियो । यसैगरी विजयकुमार हुमागाई, कृष्णबहादुर घलान, राजकुमार चौलागाई र राजेन्द्र थापालाई पनि विदाई गरिएको थियो । जिल्ला वन अधिकृत राजेन्द्र न्यौपानेको प्रमुख आतिथ्यता एवम समूहका अध्यक्ष कृष्णबहादुर विडारीको अध्यक्षतामा कार्यक्रम भएको थियो । 
कार्यक्रममा सामुदायिक वन उपभोक्ता महासंघका सचिवालय सदस्य रामहरी चौलागाई, हेटौंडा ईलाका वन कार्यालयका सहायक वन अधिकृत राधिका शर्मा, जनकल्याण बचत तथा ऋण सहकारी संस्थाका अध्यक्ष हिमाल पौडेल, निवर्तमान अध्यक्ष विष्णुप्रसाद न्यौपाने, समूहका उपाध्यक्ष डोरबहादुर अधिकारी, कार्यालय सचिव भीमसेन पौडेल लगायतकाले मन्तव्य व्यक्त गरेका थिए ।