हेटौंडा-१० बसपार्कमा 'हेल्प डेस्क' को स्थापना

१९ असोज,हेटौंडा। जिल्ला प्रहरी कार्यालय मकवानपुर र ट्राफिक प्रहरी कार्यालय मकवानपुरले सामुदायिक प्रहरी सेवा उप केन्द्र हेटौँडा-१० बसपार्क र साना हात र सचेत नागरिक युवा समूहको सहकार्यमा नजिकिदैँ गरेको चाडपर्वलाई लक्षीत गरी मंगलबार(आज) देखि नागरिक-यात्रु सहायता कक्ष(हेल्प डेस्क)स्थापना गरेको छ।  

हेटौंडा उपमहानगरपालिका– १० बसपार्कस्थितमा रहेको सामुदायिक प्रहरी सेवा-उप केन्द्रको कार्यालयमा यात्रु तथा नागरिक सहायता कक्ष स्थापना गरिएको हो। उक्त नागरीक  सहायता कक्षको आज बिहान  हेटौँडा-१० का वडाध्यक्ष किताब सिंह लामा र मकवानपुरका प्रहरी प्रमुख प्रहरी उपरीक्षक सोमेन्द्र सिंह राठौरले संयुक्त रुपमा उदघाटन गरेका छन्।  

कार्यक्रममा बोल्दै मकवानपुर प्रहरी प्रमुख एसपी राठौरले यात्रुहरुको चाप बढेसँगै र यो संकटको अवस्थामा यात्रुहरु ठगिमा नपरुन भन्ने उद्धेश्यले यात्रुहरुको सुरक्षा, सुविधा र सहजिकरणका लागि सामुदायिक प्रहरी सेवा उप केन्द्रको सहकार्यमा आजदेखि नागरिक सहायता कक्षा स्थापना गरिएको बताए ।एसपी रााठौले यात्रुहरुलाई कुनै गुनासो या कुनै अमानविय व्यवहार भएमा प्रहरीको कन्ट्रोल न: १०० मा या ९८५५०९०१५० र ९८५५०९१००० नम्बरमा फोन गर्न सकिने बताएका छन्। 

यता उदघाटन कार्यक्रममा बोल्दै हेटौँडा १० का वडाध्यक्ष किताब सिंह लामाले नागरिक सहयता कक्ष स्थापना हुदा नागरिकले ठगिनु नपर्ने र नागरिकले ठगिनु परे कक्षमा रहेका प्रहरीलाई आएर समस्या राख्न अनुरोध गरेका छन्। यता वडा प्रहरी कार्यालयका प्रमुख प्रहरी निरीक्षक कृष्ण प्रसाद बिष्टले नागरिकले बढी भाडा तिर्नु  परे र यातायात व्यवसायीले दुख दिए प्रहरीलाई खबर गर्न भने।

सामुदायिक प्रहरी सेवा उप केन्द्र हेटौँडा-१० बसपार्कका अध्यक्ष प्रदिप कंडेलको सभाध्यक्षता भएको कार्यक्रममा सामुदयिक प्रहरी सेवा केन्द्र हेटौडा ११ का अध्यक्ष शालिकराम पुडासैनी, सामुदायिक प्रहरी सेवा केन्द्र हेटौंडा-९ पशुपतिनगरका अध्यक्ष राम बिष्ट,महिला अधिकारकर्मी सर्मिला श्रेष्ठ,उप- केन्द्रका पदाधिकारी,स्थानीय,जनप्रतिनिधि, यातायात व्यवसायी लगायतको सहभागिता रहेको थियो।