शुक्रबार दुई खेल बराबर

३० भदौ, हेटौँडा । हेटौँडामा जारी जिल्ला लिग फुटबल प्रतियोगितामा शुक्रबार भएका ४ खेल मध्ये दुई खेल बराबरीमा सकिएका छन् भने दुई टिम विजयी भएका छन् । 
पहिलो खेलमा एफसी मल्टिभिजन र एफसी नवमिलन युवा क्लबले बराबर खेलेर खेल सकेका छन् । खेलअवधिभर दुबै टिमबाट २–२ गोल भएको थियो । मल्टिभिजनको तर्फबाट सुरज विष्टले ६ र ५६ मिनेटमा गोल गरे भने नवमिलनका तर्फबाट अशोक थापाले ४० र सुमन थापाले ४७ मिनेटमा गोल गरेका थिए । 
दोस्रो खेलमा चुरेकालिका युवा क्लबलाई कमलदेवी युवा क्लबले ५–० गोल अन्तरले पराजित गरेको छ । कमलदेवीका तर्फबाट किरण लामाले खेलको १० र ४५, सुनिल घलानले २२, सुरज मोक्तानले २३ र निमेष सुबेदीले ५२ मिनेटमा गोल गरेका थिए ।
अपरान्ह भएको खेलमा ७ नम्बर फुटबल टिम र प्याट्रोन युथ क्लब बराबरी गोल गर्दै खेल सकेका छन् । दुबै टिमले १–१ गोल गरेका छन् । ७ नम्बरका तर्फबाट साकार अधिकारीले ४८ र प्याट्रोनका तर्फबाट केबल खड्काले २७ मिनेटमा गोल गरे । अन्तिम खेलमा सानोपोखरा युवा क्लबले डाँफे युवा क्लबलाई १–० गोल अन्तरले पराजित गरेको छ । सानोपोखराको तर्फबाट मनिष लामाले २६ औं मिनेटमा गोल गरे । जिल्ला लिगमा शुक्रबारबाट पहिलो चरण सकिएको छ ।