एभरेष्ट प्रिमियर लिगको उपाधि चितवन टाइगर्सलाई

२३ असोज, हेटौंडा । काठमाडौंमा सम्पन्न भएको चौथो संस्करणको एभरेष्ट प्रिमियर लिग (ईपीएल) टी–२० क्रिकेट प्रतियोगिताको उपाधि चितवन टाइगर्सले जितेको छ ।
फाइनलमा पोखरा राइनोजलाइ ४ विकेटले पराजित गर्दै चितवनले पहिलोपटक ईपीएलको उपाधि जितेको हो । पोखराले दिएको १ सय १२ रनको लक्ष्य चितवनले ओभरमा विकेट गुमाउँदै भेट्टायो । 
चितवनको जिचका लागी भीम सार्कीले ६३, दिलिप नाथले १८ र राजेश पुलामी १४ रन बनाए पनि बाँकि खेलाडीहरुले दोहोरो अंकको रन समेत जोड्न सकेनन् । पोखराका किशोर महतोले चार तथा नन्दन यादवले दुई विकेट लिए ।
त्यसअघि टस हारेर पहिले ब्याटिङ गरेको पोखराले १७ ओभर ५ बलमा अलआउट हुँदै १ सय ११ रन बनाएको थियो । पोखराका लागि असेला गुनारत्नेले सर्वाधिक ३४ रन बनाए ।
यस्तै पोखराका लागी रिचार्ड लेभीले २६ रन जोड्दा विपिन रावलले १७ र कप्तान विनोद भण्डारीले २२ रन बनाए । अन्य खेलाडीले दोहोरो अंकको रन जोड्न सकेनन् । चितवनका लागी कमल सिंह ऐरीले ४ विकेट लिए तथा करिम जनत र सेकुग्गे प्रसन्नले २–२ विकेट लिए । यस्तै कप्तान सोमपाल कामी र सागर ढकालले १–१ विकेट लिए ।
चितवन र पोखरा पहिलो पटक ईपीएलको फाइनलमा पुगेका हुन् । जितसँगै चितवनले ५० लाख रुपैयाँ पाएको छ भने पोखराले १५ लाख चित्त बुझाएको छ ।