छक्का पञ्जा–२’ को टोली हेटौडामा

तस्विरः सुनिल शिवाकोटी /प्रस्ट खबर

३१ भदौ, हेटौँडा । प्रचारप्रसारका लागि देश दौडाहमा रहेको चलचित्र छक्का पञ्जा–२ को टोली हेटौडामा आईपुगेको छ । पूर्व झापाबाट प्रचारप्रसार सुरु गर्दै विर्तामोड, दमक र इटहरी हुँदै हेटौंडा आइपुगेको टोलीले शनिबार पत्रकार सम्मेलनको आयोजना गर्दै चलचित्रबारे जानकारी दिएको छ । चलचित्रका निर्देशक दिपाश्री निरौलाले पत्रकार सम्मेलन मार्फत  छक्का पञ्जाको सफलता लाई कायम राख्न छक्का पञ्जा–२ निर्माण गरेको बताईन । त्यसैगरी चलचित्रका निर्माता तथा कलाकार दीपकराज गिरीले वैदेशिक रोजगारले निम्त्याएको समस्यालाई चलचित्रमा उतारिएको बताए । उनले पहिलो संस्करण जस्तै कथा भएपनि अरुले उठाउन नसकेका मुद्धालाई अजागर गरी चलचित्र निर्माण गरिएको बताए । पत्रकार सम्मेलनमा निर्माता एंव कलाकार जितु नेपाल तथा माग्ने बुढाले छक्का पञ्जाको कथालाई दर्शकले रुचाए जस्तै छक्का पञ्जा–२ लाई पनि धेरै दर्शकले रुचाउने विश्वास  ब्यक्त गरका थिए । त्यसैगरी  कलाकारद्वय प्रियंका कार्की र बर्षा राउतले पत्रकारले चलचित्रको बारेमा गरेको  प्रश्नको जवाफ दिएका थिए ।
पोखराको हेम्जा, पाल्पा र काभ्रेका विभिन्न क्षेत्रमा  छायाँकन गरिएको चलचित्र १ करोड ५० लाखको लागतमा  निर्माण गरिएको र चलचित्र आगामी असोज ११ गते फूलपातीका दिनदेखि देशभरका हलबाट प्रदर्शनमा आउने चलचित्रको निर्माण पक्षले जनाएको छ ।  
चलचित्र पत्रकार संघ मकवानपुरका अध्यक्ष मणीराज गौतमको सभाध्यक्षतामा सम्पन्न  कार्यक्रममा चलचित्र विकास बोर्डका सदस्य नरेन्द्र मर्हजन,नेपाल पत्रकार महासंघ मकवानपुर शाखाका अध्यक्ष हरि हुमागाईं, उपाध्यक्ष कुमार अधिकारी लगायतको सहभागिता रहेको थियो ।