बाढी पहिरोमा परि मृत्यु हुनेको संख्या १०१ पुग्यो 

file photo

४ कार्तिक, हेटौंडा । वेमौसमी वर्षाको कारण सोमबारदेखि देशका विभिन्न स्थानमा आएको बाढी, पहिरो र डुबानमा परी बिहीबार दिउँसोसम्म मृत्यु हुनोको संख्या १ सय १ पुगेको छ ।

बाढी पहिरोमा परी १ नम्बर प्रदेशमा ६० जना, बागमती प्रदेशमा १ जना, कर्णाली प्रदेशमा ७ जना र सुदूरपश्चिम प्रदेशमा ३१ जना गरी जम्मा १ सय १ जनाको मृत्यु भएको हो । यस्तै १ नम्बर प्रदेशमा १९ जना, कर्णाली प्रदेशमा ४ जना र सुदूरपश्चिम प्रदेशमा १७ जना गरी ४० जना घाइते भएका छन् ।
बाढी पहिरोमा परी १ नम्बर प्रदेशमा १३ जना, २ नम्बर प्रदेशमा १ जना, लुम्बिनी प्रदेशमा ३ जना, कर्णाली प्रदेशमा १ जना र सुदूरपश्चिम प्रदेशमा २३ जना गरी जम्मा ४१ जना बेपत्ता भएका छन् । उनीहरुको खोजी कार्य जारी रहेको गृहमन्त्रालयले जनाएको छ ।
बाढीको कारण २ हजार २ सय ३२ वटा घर डुबानमा परेका छन् । ४९ वटा घर, ८ वटा गोठ, ६ वटा पुल र ३ वटा सरकारी कार्यालयमा क्षति पुगेको छ । १ सय ३९ वटा पशु चौपायको मृत्यु भएको छ । यसैगरी बाढीपहिरोका कारण १ हजार १ सय ७७ वटा घर परिवार विस्थापित भएका छन् । 
यसैविच आजै प्रधानमन्त्री शेरबहादुर देउवाल कर्णाली र सुदुरपश्चिम जिल्लाहरुको स्थलगत निरिक्षण गरर्दै बाढीपहिरोका कारण प्रभावित भएकाहरुको उचित व्यवस्थापनमा प्रदेश सरकार र स्थानिय सरकारहरुलाई निर्देशन दिएका छन् ।