अञ्जनलाई लोकतान्त्रिक खेलकुद संघको नगद सहित सम्मान

६ कार्तिक, हेटौंडा । नेपाल लोकतान्त्रिक खेलकुद संघ मकवानपुरले नेपाली राष्ट्रिय फुटबल टोलीका सदस्य अञ्जन विष्टलाई शनिवार हेटौंडामा २५ हजार नगद सहित सम्मान गरेको छ । 
गत हप्ता माल्दिभ्समा सम्पन्न १३ औ साफ च्याम्पियनसिप फुटबल प्रतियोगितामा नेपाललाई पहिलोपटक उपविजेता बनाउँन उत्कृष्ट भूमिका खेलेको भन्दै अञ्जनलाई सम्मान गरिएको हो । 
संघका जिल्ला अध्यक्ष सविन भट्टाचार्यको सभाध्यक्षतामा भएको सम्मान कार्यक्रममा नेपाली कांग्रेस मकवानपुरका सभापति एवं बागमती प्रदेशका संसदीय दलका नेता इनद्रबहादुर बानियाँको प्रमुख आतित्थ्यतामा रहेको थियो । 
कार्यक्रममा बोल्दै प्रमुख अतिथि बानियाँले नेपाली कांग्रेस नेपालको खेल क्षेत्र र खेलाडीको बिकासका लागी सधै तत्पर रहेको बताए । उनले अञ्जनलाई बाधाई दिदै यस किसिमका सम्मानले आगामी दिनमा देश र गृह जिल्ला मकवापनुरको नाम उचो राख्न प्रेरणा मिलोस भन्ने शुभकामना दिए । कार्यक्रमका प्रमुख अतिथि बानियाँले लोकतान्त्रिक खेलकुद संघ मार्फत अन्जलाई रु २५ हजार नगद प्रदान गरेका हुन् । 
कार्यक्रममा अञ्जनका बुवा राजु विष्टलाई समेत सम्मान गरिएको थियो । कार्यक्रममा बागमती प्रदेश सभा सदस्य सन्त चेपाङ, नेपाली कांग्रेस मकवानपुरका सल्लाहाकार भरत पराजुली, जिल्ला सदस्य एवम खेकुद विभाग प्रमुख सुनिल दाहाल, जिल्ला सदस्य सुशान्त श्रेष्ठ, सुनिल अधिकारी, क्षेत्रिय सभापति यतीराज सापकोटा निवर्तमान नगरसभापति आनन्दराम पराजुली, नेविसंघका अध्यक्ष राजु खतिवडा, संघका उपाध्क्ष सर्मिला श्रेष्ठ लागएतकाले मन्तव्य व्यक्त गरेका थिए ।