नारायणीको कारोबार ७ करोड ५८ लाख

१ असोज, हेटौँडा । हेटौडा–६, हातीलेटमा रहेको नारायणी दुग्ध उत्पादक सहकारी सहकारी संस्थाले आव ०७३/०७४ मा ७ करोड ५८ लाख ५० हजारको कारोवार गर्न सफल भएको छ । संस्थाको आईतवार सम्पन्न भएको २७ औं वार्षिक साधारण सभामा यस्तो जानकारी दिईएको हो । 
संस्थाको शेयर पूँजी २६ लाख २० हजार, जगेडा कोष १७ लाख ८६ हजार, निक्षेप ८९ लाख ३० हजार, दुध तथा अन्य सामान विक्री ५ करोड ५३ लाख, अनुदान ९ लाख ७३ हजार, जोखिम कोष ४ लाख ४० हजार, भुक्तानी दिनु पर्ने ३६ लाख ६७ हजार रुपैँया रहेको छ । 
सभामा संस्थाका अध्यक्ष शिवप्रसाद सञ्जेलले संस्थागत प्रतिवेदन, लेखा समितिका संयोजक रामबहादुर कार्कीले लेखा परीक्षण प्रतिवेदन,उपाध्यक्ष ईन्द्रमणी गौतमले ऋण समितिको प्रतिवेदन र सामान खरीद विक्री उपसमितिका संयोजक रत्नप्रसाद सापकोटाले खरीद विक्री उपसमितिको प्रतिवेदन प्रस्तुत गरेका थिए । 
साधारण सभामा  निवर्तमान अध्यक्ष नेत्रप्रसाद सापकोटा,ज्येष्ठ शेयर सदस्य उदयनारायण चौलागाई, ईश्वरीप्रसाद देवकोटा, एकल महिला गंगामाया चौलागाई, गोठ सफा राख्ने प्रलिता थापा, उद्धवप्रसाद दंगाल र नारायणप्रसाद सापकोटालाई सम्मानित गरिएको थियो । गुणस्तरीय दूध विक्री गर्ने उदयनारायण चौलागाई, विश्वनाथ अधिकारी जगनाथ गौतम, असली ऋणी, बचतकर्ता, बढी सामान खरीदकर्ता,बढी दूध विक्री गर्ने,कृषि प्राविधिक अध्ययन गरिरहेका शेयर सदस्यका छोराछोरीलाई पनि नगद पुरस्कार सहित सम्मानित गरिएको थियो ।
केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटाको प्रमुख आतिथ्यतामा भएको सभामा मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी, चेतनशिल दुग्ध उतपादक सहकारी संस्थाका अध्यक्ष कृष्णप्रसाद घिमिरे, गरिवी निवारण बचत तथा ऋण सहकारी संस्थाका अध्यक्ष पुष्पराज पराजुली, निवर्तमान अध्यक्ष नेत्रप्रसाद सापकोटा लगायतकाले मन्तव्य व्यक्त गरेका थिए ।