नेपाल र भारतको साझा अवधारणाबारे मकवानपुरे पत्रकारसँग छलफल

१५ कार्तिक, हेटौंडा । नेपालको आर्थिक विकासको सवालमा नेपाल भारत विच साझा अवधारण विषयमा सोमबार हेटौंडामा पत्रकारहरुसंग अन्तरक्रिया एवं छलफल भएको छ ।

नेपाल भारत मानव विकास एव्म मैत्री संघका प्रमुख सूर्य भुसालले मकवानपुरका पत्रकारहरुसँग अन्तरक्रिया एवं छलफल गरेका हुन । छलफलका क्रममा प्रमुख भुसालले भारत र नेपाल विच विकासका साझा अवधारणाहरु के के हुन सक्छन् तिनको पहिचान गरि आ–आफ्नो क्षेत्रबाट तिनलाई उजागर गरिनुपर्ने बताएका छन। छलफलमा उनले नेपालको विकासमा भारतलाई सामान्य छिमेकी मात्र नभई साझेदार छिमेकी राष्ट्रको रुपमा लिनुपर्ने कुरामा जोड दिएका छन।

"नेपालले भारतसँगको सम्बन्धलाई बिगतमा राजनितिक परिवर्तनको एउटा हिस्सा मानेपनि अब सामाजिक र आर्थिक परिवर्तनको हिस्सेदार मान्नुपर्दछ-भुसालले भने।  

उनले विगतमा जस्तै अहिलेपनि नेपाली राजनितिक दलका नेताहरु सरकार बनाउन सहयोग माग्ने, पार्टीको प्रमुख बनाईदिन आग्रह गर्न दिल्ली पुग्ने गरेको आरोप लगाएका छन । प्रमुख भुसालले अब भारतलाई नेपालको राजनिती भन्दा बाहिर निकालेर आर्थिक सामाजिक परिवर्तनका लागी उपयोग गर्नुपर्ने उल्लेख गरेका छन। पत्रकार सम्मेलनमा पत्रकार महासंघ मकवानपुरका पुर्व अध्यक्ष राममणि दाहाल,प्रेस युनियन मकवानपुर अध्यक्ष कुमार अधिकारी लगायत मकवानपुरका विभिन्न संचारगृहमा आवद्ध पत्रकारको सहभागिता रहेको थियो।