आईसीसी विश्वकप टी–२०ः पाकिस्तान सेमिफाइनलमा

१७ कार्तिक, हेटौंडा । पाकिस्तान आईसीसी विश्वकप टी–२० क्रिकेटको सेमिफाइनलमा प्रवेश गर्ने दोस्रो टोली बनेको छ ।
मंगलबार राति नामिबियालाई ४५ रनले हराउँदै पाकिस्तान विश्वकपको सेमिफाइनल पुग्ने दोस्रो टोली बनेको हो । पाकिस्तानले समूह चरणको खेलमा लगातार चार खेलमा जित निकाल्दै आफ्नो समूहबाट भने सेमिफाइनल पुग्ने पहिलो टिम बन्यो ।
१ सय ९० रनको लक्ष्य पछ्याएको नामिबियाले ५ विकेट गुमाएर १ सय ४४ रन मात्र बनाउन सक्यो । नामिबियाका डेभिड विसले नटआउट ४३ रन बनाएको इनिङ्समा क्रेग विलियम्सले ४० रन बनाए । ओपनर स्टेफन बार्डले २९ रन बनाएपनि अरुले राम्रो प्रदर्शन गर्न सकेनन् । पाकिस्तानका हसन अली, इमाद वासिम, हरिस रर्फ र सादब खानले समान एक एक विकेट लिए ।
यसअघि, टस जितेर पहिले ब्याटिङ गरेको पाकिस्तानले निर्धारित २० ओभरमा २ विकेट गुमाएर १ सय ८९ रनको विशाल योगफल तयार पारेको थियो । पाकिस्तानका लागि मोहम्मद रिजवानले सर्वाधिक ७९ रनको योगदान गरे । कप्तान बाबर आजमले ७० रन जोड्दा मोहम्मद हफीजले ३२ रनमा आउट भए । नामिवियाका डेभिड वाइजी र जान फ्रायलिङकले एक–एक विकेट हात पारेका थिए ।
समूह बीमा पाकिस्तानले ४ खेलबाट ८ अंक जोड्यो र एक खेल कम खेलेको अफगानिस्तानसँग ४ अंकको अग्रता लिएको छ । नामिबियाले प्रतियोगितामा एक जित सहित २ अंक जोडेको छ । न्युजिल्याण्डले दुई खेलबाट मात्र २ अंक जोडेको छ । सोही समुहमा भारत र स्कटल्याण्डले दुई खेल खेलेका छन् तर अंक विहीन छन् ।