मकवानपुरमा दुर्घटना न्यूनिकरणको उपाय: सुमोलाई टाइम कार्ड,२ चालक अनिवार्य

२६ कार्तिक,हेटौंडा। साघुरा सडक र अव्यवस्थित ट्राफिक प्रणालीले गर्दा मकवानपुरका सडकमा दैनिक सवारी दुर्घटना हुने थालेपछि जिल्ला प्रशासन कार्यालय मकवानपुरले दुर्घटना न्यूनिकरणका लागि सम्बन्धित सरोकारवालाहरूसँग छलफल गरेको छ । 

मकवानपुरका प्रमुख जिल्ला अधिकारी भरतमणि पाण्डेले  बिहीबार जिल्ला प्रशासन कार्यालयमा सरोकारवाला निकायसँग छलफलको आयोजना गर्दै छलफलले दुर्घटना न्यूनिकरणका लागि केही निर्णय गरेको छ। 

ट्राफिक प्रहरी कार्यालयले मादक पदार्थ सेवन (मापस)को चेकजाँचलाई कडाइका साथ प्रजिअ सहित सरोकारवाला निकायमा प्रतिनिधिले दुर्घटना न्यूनिकरणका उपायलाई कार्यान्वयन गर्ने,मापसे गरेर सवारी चलाउने चालकमाथि तत्काल कारबाही गर्ने जस्ता  निर्णय गरेको हो। 

छलफलले  लामो दूरीका सवारी साधनले अनिवार्य रुपमा २ जना सवारी चालक राख्ने व्यवस्था गर्नुपर्ने निर्णय गरेको छ।चालक तथा सहचालकहरूलाई जिल्ला ट्राफिक प्रहरी कार्यालय, मकवानपुरसँग आवश्यक समन्वय गरी ३र३ महिनामा कम्तिमा एकपटक सडक सचेतना एवं दुर्घटना न्यूनीकरण सम्बन्धमा सचेतनामूलक कार्यक्रम सञ्चालन गर्ने निर्णय गरेको हो। 

त्यसैगरी हेटौंडा हुदै काठमाडौं जोड्ने वैकल्पिक मार्ग भैंसे-भीमफेदी-कुलेखानी-फाखेल र सिस्नेरी सडक खण्डमा चल्ने सुमो र अन्य सार्वजनिक यातायातमा टाईम कार्ड लागू गरिने भएको छ। 

त्यसैगरी दुर्घटनाका कारक ईरिक्सा र अटोहरू पनि रहेकोले ई रिक्सा र अटोलाई बजारको मुख्य सडकमा प्रवेश नगरी सहायक सडकमार्फत व्यवस्थित रुपमा सञ्चालन गर्ने निर्णय भएको मकवानपुरका प्रजिअ भरतमणी पाण्डेले बताएका छन।सबै निर्णय कार्यान्वयन भए नभएको हेर्नका लागि जिल्ला ट्राफिक प्रहरी कार्यालय, मकवानपुरले नियमित रुपमा अनुगमन गर्ने सिडिओ पाण्डेले बताए।