जीतपुर सिमरा उप–महानगरपालिकामा एमालेको अगता कायमै

४ असोज,बारा  ।बाराको जीतपुर सिमरा उप–महानगरपालिकाको पछिल्लो ७ हजार ७ सय ८७ को  मतपरिणाम सार्वजनीक भएसंगै मेयर र उपमेयर पदमा नेकपा एमालेले अगतालाई कायम राखेको छ ।  
एमालेका कृष्ण पौडेलले २ हजार ५ सय २९ मत प्राप्त गरेका छन  भने माओवादी केन्द्रका राजन पौडेलले २ हजार १ सय ६५ मत प्राप्त गरी एमालेका  पौडेललाई पछ्याई रहेका छन् । त्यसैगरी उप मेयरमा एमालेकी सरस्वती चौधरीलले २ हजार ४ सय ३३ मत प्राप्त गरेकी छिन भने नेपाली कांग्रेसकी नारायणी रायमाझी निरुले २ हजार १ सय ४१ मत प्राप्त गरी चौधरीलाई पछ्याई रहेकी छिन् ।

त्यसैगरी बाराको जीतपुरसिमरा उप–महानगरपालिका वडा नम्बर १ मा नेपाली काँग्रेसको प्यानल नै विजयी भएको छ ।  १०७२ मत प्राप्त गरी काँग्रेसका उम्मेदवार हिराबहादुर गुरुङ् वडा अध्यक्षमा विजयी भएका हुन । उनका प्रतिद्धन्दी एमालेका उम्मेदवारले ८०२ र माओवादी केन्द्रका उम्मेदवारले ४६५ मत मात्र प्राप्त गरेका छन  । बाराकै कोल्हवी नगरपालिका वडा नं. ७ को वडा अध्यक्षमा स्वतन्त्र उम्मेदवार बिरेन्द्रप्रसाद चौधरी विजयी भएका छन् । उनले ३ सय ७० मत प्राप्त गरेका छन् । उनको निकटतम प्रतिद्वन्दी नेपाली काँग्रेसका उम्मेदवारले भने ३ सय २७ मत प्राप्त गरेका छन् । त्यसैगरी रौतहटको गरुडा नगरपालिका वडा नम्बर ३ को अध्यक्षमा नेपाली काँग्रेसका उम्मेदवार कृष्ण कुमार सहनी १ मत अन्तरले विजयी भएका छन ।