पूर्व गृहराज्यमन्त्री बानियाँद्वारा वृद्धाश्रमलाई १० लाख

७ असोज, हेटौँडा । पूर्व गृहराज्इमन्त्री एवं मकवानपुर क्षेत्र नं. १ का सांसद ईन्द्रबहादुर बानियाँले हेटौडा–१७ गैरीगाउँमा रहेको श्रीमद्भागवत ज्ञानसञ्चार वृद्धाश्रमलाई १० लाख रुपैँया सहयोगको घोषणा गरेका छन् । बानियाँले बृद्धाश्रमको भौतिक संरचना निर्माणको लागि सांसद विकास कोषबाट १० लाख सहयोग गर्ने घोषणा गरेका हुन् ।

वृद्धाश्रम एवं लक्ष्मी बैंकटेश मन्दिरको ११ औं वार्षिक साधारण सभामा नेपाली कांग्रेस मकवानपुरका सभापति समेत रहेका बानियाँले धार्मिक पर्यटनको विकासमा देशमा समृद्धि ल्याउन सकिनेमा जोड दिए । उनले धर्मबाट शान्ति मिल्नुको साथै विकासको ढोका समेत खोल्न सकिने भएकोले धर्मको रक्षा गर्न आवश्यक भएकोमा जोड दिए । साधारण सभामा संस्थागत प्रतिवेदन प्रस्तुत गर्दै अध्यक्ष हरिप्रसाद सिग्देलले वृद्धाश्रमको दिर्घकालिन विकासका लागि  करीव ४ करोड रुपैँयाको अनुमानित बजेट प्रस्तुत गरेका थिए । कार्यक्रममा लेखा समितिका संयोजक विमल तिमल्सिनाले लेखा परिक्षण प्रतिवेदन प्रस्तुत गरेका थिए ।

साधारण सभामा हेटौडा–६ का वडा अध्यक्ष अर्जुनप्रसाद चौलागाई, १७ का वडा अध्यक्ष भैरबबहादुर राई, चुच्चेखोला सामुदायिक वनका अध्यक्ष अर्जुनप्रसाददहाल, श्रीनिवास लक्ष्मीनारायण मन्दिरका अध्यक्ष जर्नादन पौडेल, वृद्धाश्रमका महासचिव कुमारमणी दहाल, बासुदेव सापकोटा, केशवप्रसाद सञ्जेल लगायतकाले मन्तव्य व्यक्त गरेका थिए ।