रेडियो मकवानपुरले दुईजना जागरुक महिलालाई सम्मान गर्ने

७ असोज, हेटौडा। हेटौँडाको पहिलो सामुदायिक एफएम रेडियो मकवानपुर १०१.३ मेगाहर्जले आइतबार हेटौँडामा दुई महिलालाई सम्मान गर्ने भएको छ । आर्थिक , सामाजिक क्षेत्रमा महत्वपूर्ण योगदान पु¥याउँदै आएका दुई महिलालाई रेडियाले हरेक वर्ष जागरुक महिला सम्मान प्रदान गर्दै आएको छ ।

रेडियो    सञ्चालक संस्था दिव्यतारा बहुउद्देश्यीय सहकारी संस्था लिमिटेडको १९ औँ वार्षिक साधारणसभाको समेत अवसरमा पल्पसा सभा गृहमा हुने        कार्यक्रम गरिवी निवारण तथा सहकारी मन्त्री अम्बिका बस्नेतको प्रमुख आतिथ्यमा हुने छ । कार्यक्रममा मकवानपुरको आर्थिक—सामाजिकलगायतका क्षेत्रमा योगदान पु¥याउँदै आएका दुईजना महिलालाई जागरुक महिला सम्मान प्रदान गरिने रेडियोका स्टेशन संयोजक राममणि दाहालले जानकारी दिए । यसैबीच सहकारीको साधारणसभामा दिव्यतारा बहुउद्देश्यीय सहकारी संस्था लिमिटेड, हेटौँडाको १९ औँ वार्षिक साधारणसभा तथा सञ्चालक समितिको निर्वाचन भोलि हुँदै छ । साधारणसभामा संस्थाले जेष्ठ नागरिक सम्मान, सामुदायिक र संस्थागत विद्यालयबाट माध्यामिक शिक्षा परीक्षा      (एसइइ) मा उत्कृष्ट अंक प्राप्त गर्न सफल शेयर सदस्यका छोराछोरीहरुलाई सम्मान र नियमित बचतकर्ता एकजना महिला र एकजना पुरुषलाई सम्मान गर्ने संस्थाले जनाएको छ । यस्तै संस्थाले आयोजना गरेको अन्तर सहकारी नकाउट फुटसल प्रतियोगिताका विजेता तथा उपविजेता टिम      र खेलाडीलाई पुरस्कार प्रदान गरिने भएको छ ।