दिव्यतारामा पुनः डिना

८ असोज, हेटौँडा । दिव्यतारा बहुउद्देश्यीय सहकारी संस्थाको अध्यक्षमा पुन : महालक्ष्मी उपाध्याय डीना चयन भएकी छिन् । आईतबार हेटौंडामा भएको सहकारीको १९ औँ बार्षिक साधारणसभा एवम् अधिवेशनले डीनाको नेतृत्वमा नयाँ कार्य समिति चयन गरेको हो । 
सहकारीको उपाध्यक्षमा डा. गणेश लामा बल, सचिवमा गणेशप्रसाद भेटवाल, कोषाध्यक्षमा ईश्वर पण्डित, सहसचिवमा कमल दुलाल तथा सदस्यमा लक्ष्मी श्रेष्ठ, आनन्दराम पराजुली, निलम देवकोटा, शर्मीला डंगोल, बालगोपाल कँडेल, कृष्णराम न्यौपाने र राजु घले रहेका छन् । यस्तै लेखा समिति संयोजकमा प्रकाश खतिवडा तथा सदस्यमा सुनिता हाडा र राजकुमार न्यौपाने चयन भएका छन् ।
यसअघि, साधारणसभाको अवसरमा दुईजनालाई जागरुक महिला सम्मान प्रदान गरिएको छ । साधारण सभामा साहित्यकार बबी थापा र महिला उद्यमी सुन्दिरा श्रेष्ठलाइ सम्मान गरिएको हो । साहित्य एवम् उद्यममको माध्यमबाट समाज परिवर्तनमा कार्य गरेको र जागरुक महिलाको रुपमा अघि बढेका भन्दै जनही ५ हजार रुपियाँसहित थापा र श्रेष्ठलाई सम्मान गरेको हो । एसईई परीक्षामा उत्कृष्ट ल्याएका अनुराज गौतम, प्रिन्सा उप्रेती, खुसी बानियाँ र पुष्पराज बर्तौला, ज्येष्ठ शेयर सदस्यको रुपमा मेघनाथ बर्तौला र शिवकुमारीलाई सम्मान गरेको छ ।

असल बचतकर्तामा सुष्मा दुवाडी, खुत्रुके बचतमा जोत्सना श्रेष्ठ र डुसाङ स्याङ्तान, कर्जा सही सदुपयोग गर्ने सदस्यको रुपमा किसनकुमार महाजु, दैनिक बचतमा मछिन्द्रनाथ ढुङ्गाना, सबै भन्दा बढी कारोबार गर्नेमा गणेशप्रसाद भेटवाल र उत्कृष्ट बजार प्रतिनिधीको रुपमा शोभा अधिकारीलाई सम्मान गरिएको हो । सहकारीले पहिलो पटक आयोजना गरेको अन्तर सहकारी नकाउट फुटसल प्रतियोगिताका विजेता तथा उपविजेता टिम र खेलाडीलाई पुरस्कार प्रदान गरिएको थियो ।