चनौटा सामुदायिक वनको साधारणसभा सम्पन्न

भीमसेन पौडेल

१५,पुस हेटौडा। हेटौडा–१९ साननानीटारमा रहेको चनौटा सामुदायिक वन उपभोक्ता समूहको २३ औं वार्षिक साधारणसभा बिहीवार सम्पन्न भएको छ ।

साधारणसभामा समूहका अध्यक्ष हरिशरण पौडेलले प्रगति प्रतिवेदन, चालु आर्थिक वर्ष २०७८।०७९ को लागि १७ लाख ११ हजारको अनुमानित आय व्यय विवरण र कोषाध्यक्ष राजन सुवेदीले आर्थिकवर्ष२०७७।०७८ को लेखा परिक्षण प्रतिवेदन पेश गरेका थिए ।

साधारणसभामा उत्कृष्ठ विद्यार्थी तर्फ आयुष मुक्तान, आयुषा सुवेदी, ललित मुक्तान, सुजिना मुक्तान, दिक्षा कार्की, अविनास लामा, जेविसा अर्याल, सफल पोखरेल, अरविन वाईवा, सहारा लामा र शशि ढकाल र अपाङता तर्फ कुमार अर्याल, चन्द्रबहादुर बल र कविता प्रजालाई नगद पुरस्कार प्रदान गरिएको थियो ।डिभिजन वन कार्यालय, राप्ती मनहरिका प्रमुख विष्णु प्रसाद अर्यालको प्रमुख आतिथ्यता एवम वन समूहका अध्यक्ष हरिशरण पौडेलको सभाध्यक्षतामा साधारणसभा भएको थियो ।

साधारणसभामा हेटौडा–१९ का वडा अध्यक्ष नरनाथ सुवेदी, सामुदायिक वन उपभोक्ता महासंघ, हेटौडाका अध्यक्ष शम्भुप्रसाद न्यौपाने, सव डिभिजन वन कार्यालय, बसामाडीका प्रमुख हरि खड्का, समूहकी सचिव कुसुम पौडेल, सल्लाहकार रामप्रसाद पौडेल, प्रकाश थोकर, जनहित सामुदायिक वनका अध्यक्ष विक्रम पण्डित, तपोवन टोल विकास संस्थाका अध्यक्ष श्यामकुमार रिजाल, समाजेवी नारायण थोकर लगायतकाले मन्तव्य व्यक्त गरेका थिए