मकवानपुरमा छोड्ला एमालेले कमल थापालाई ?

१० असोज, हेटौँडा । स्थानीय तह निर्वाचन सम्पन्न भईसकेपछि अहिले सबै राजनैतिक दलको ध्यान प्रदेश र संघीय निर्वाचनमा केन्द्रित भएको छ । अहिले दलहरु आप्mनो पार्टीबाट उठ्ने उम्मेदवार चयन गर्ने तयारीमा जुटेका छन् । 
आन्तरिक छलफलसंगै केन्द्रीय तहमा दलहरुबीच तालमेलको विषयमा पनि छलफललाई तिब्रता दिईएको छ । सत्ता साझेदारीदेखि निर्वाचनसम्म दलहरुबीच तालमेलको भईरहेको अवस्थामा अहिले चुनावी तालमेलको चर्चा चलेको छ । प्रमुख प्रतिपक्ष नेकपा एमाले र प्रतिपक्षमै रहेको राप्रपाबीच तालमेल हुने चर्चा राजनीतिक बृत्तमा बढि चलेको छ । यदि राप्रपा र एमालेको तालमेल भए राप्रपाका अध्यक्ष कमल थापा आफ्नो गृह जिल्ला मकवानपुरबाट उठ्ने तर्खरमा छन् । तालमेलमा संलग्न दलको नेतृत्वको हिसावले थापालाई एमालेले मकवानपुरका एक क्षेत्र छोड्नुपर्ने राप्रपा निकट एक नेताले बताए । यसबारे केन्द्रीय तहमा गम्भिर छलफल चलिरहेको उनको भनाई छ ।
थापाले पनि संघीय संसदका लागि आफु क्षेत्र नम्बर १ बाट उम्मेदवार बन्न सक्ने सम्भावना रहेको बताईसकेका छन् । जनताको ‘नाडी छाम्ने’ क्रममा थापाले छतिवन र गढीमा कार्यक्रम समेत गरिसकेका छन् । एमालेसँग तालमेल भए थापा उठ्ने पक्का छ । अघिल्लो पटक सत्ता साझेदार भएदेखि नै एमाले नेता केपी ओली पनि थापालाई संगै लिएर हिड्ने मनस्थितिमा छन् । राप्रपाको एक घटकले पार्टी फुटाएर कांग्रेससँग साझेदारी गरेपछि आप्mनो पक्षमा होल्ड बढाउन पनि थापा नेतृत्वको राप्रपालाई आप्mनो पक्षमा पार्ने रणनीतिमा ओली छन् । स्रोतका अनुसार माथिल्लो तहमा ओली र थापाबीच सहकार्यबारे छलफल हुँदा थापाले आफुलाई मकवानपुरमा सहयोग गर्नुपर्नेमा जोड दिएका छन् । राष्ट्रियताको पक्षमा उभिएका दुई पार्टीबीच तलमेलको चर्चा स्वभाविक भएको राप्र्रपा नगर अध्यक्ष गुरुप्रसाद सापकोटा बताउँछन् । ‘सत्ता साझेदारी पनि गरेको अनुभव छ, राष्ट्रियताको पक्षमा एक भएर उभिएका पनि हौं’–सापकोटाले भने–‘समिकरणको चर्चा सकारात्मक हो ।’ उनले केन्द्रमा यसबारे छलफल भएपनि जिल्लातहमा यसबारे अहिले छलफल नभएको बताए ।
राप्रपा एक नेताले तालमेलबारे भाषण गरेपछि एमाले मकवानपुरमा पनि तरंग पैदा भएको छ । एमालेका नेताहरु भने राप्रपालाई क्षेत्र नम्बर १ छोडेर तालमेल हुने सम्भावना नरहेको बताउँछन् । लालकिल्लाबाट कांग्रेसले कव्जा गरेको क्षेत्र नम्बर १ आप्mनो पक्षमा पार्ने रणनीतिका साथ एमाले काम गरिरहेको एक नेताले बताए । उनका अनुसार अहिले पनि संगठनको हिसावले क्षेत्र नम्बर १ मा एमाले बलियो भएकाले यो क्षेत्रबाट एमालेका पूर्व सांसद समेत रहेका कृष्णप्रसाद दाहालसहितका नेताहरुले दावि गरिरहेका छन् । ‘राप्रपालाई क्षेत्र नम्बर १ दिने विषयमा केही छलफल भएको छैन ।’–एमाले मकवानपुरका सचिव एवं प्रवक्ता एकलाल श्रेष्ठले भने–‘सामान्य छलफल पनि नभएको अवस्थामा यसबारे केही भन्न सकिंदैन ।’ केन्द्रीय तहमा भएको छलफलबारे आफुहरुलाई कुनै जानकारी नरहेको भन्दै श्रेष्ठले पार्टी आफ्नो तयारीबारे मात्रै रणनीतिक छलफलमा रहेको बताए । 
मकवानपुरलाई आफ्नो लालकिल्लाको रुपमा लिने गरेको एमालेले कमल थापालाई उम्मेदवारीमा तालमेल गर्ला भन्नेमा सर्वसाधारण विश्वस्त छैनन् । ओलीले देशैभर तालमेल गर्ने क्रममा थापालाई मकवानपुर दिन सक्ने पनि राजनैतिक बृत्तमा आंकलन छ ।