‘ए’ डिभिजन लिग फुटबल अन्तर्गत आज तीन खेल हुँदै 

१७ पुस, हेटौंडा । सहिद स्मारक ‘ए’ डिभिजन लिग फुटबल अन्तर्गत आज तीन खेल हुँदैछन् । लिगको सातौं चरण अन्तर्गत आज हुने तीन खेलमध्ये दुई खेल दशरथ रङ्गशाला र एक खेल पोखरा रङ्थशालामा हुनेछ । 
त्रिपुरेश्वरस्थित दशरथ रङ्गशालामा हुने पहिलो खेलमा थ्री स्टार क्लब र जवालाखेल युथ क्लबबीच प्रतिस्पर्धा हुनेछ । थ्री स्टार र जवालाखेलबीचको खेल दिउँसो १ बजे सुरु हुनेछ । थ्री स्टार ६ खेलमा ७ अङ्क जोडेर लिगको आठौं स्थानमा रहेको छ । जावलाखेल ६ खेलमा ७ अङ्क जोडेर नवौं स्थानमा रहेको छ । 
यस्तै पोखरा रङ्गशालामा मनाङ मर्स्याङ्दी क्लब र ब्रिगेड ब्वाइजबीच खेल हुनेछ । मनाङ र ब्रिगेडबीचको खेल दिउँसो २ बजे सुरु हुनेछ ।मनाङ ६ खेलमा १३ अङ्क जोडेर दोस्रो स्थानमा रहेको छ । एएफसी कप छनोट खेल्नका लागि मनाङलाई ब्रिगेडविरुद्ध जित्नैपर्ने दबाब छ । ब्रिगेड ६ खेलमा ५ अङ्क जोडेर लिगको १२ औं स्थानमा रहेको छ ।
दशरथ रङ्गशालामा हुने अर्को खेलमा सङ्कटा क्लब र च्यासल युथबीच प्रतिस्पर्धा हुनेछ । सङ्कटा र च्यासलबीचको खेल ४ः४५ बजे सुरु हुनेछ । सङ्कटा क्लब ६ खेलमा १२ अङ्क जोडेर तेस्रो स्थानमा रहेको छ । च्यासल ४ अङ्क जोडेर १३ औं स्थानमा रहेको छ ।