मकवानपुरका स्थानिय तहमा खोप अभियान सञ्चालन गरिने

२१ पुस,हेटौंडा। जिल्ला खोप समन्वय समिती मकवानपुरले जिल्लामा कोरोना विरुद्धको खोप लगाउने कामलाई प्रभावकारी बनाउँन अभियानको रुपमा सञ्चालन गर्ने भएको छ।

जिल्ला प्रशासन कार्यालय मकवानपुरमा बुधबार बसेको समितिको बैठकले जिल्लामा खोप नलगाउँनेको संख्या अझै धेरै रहेकाले खोप अभियानलाई तिब्र रुपमा अगाडी बढाउने निर्णय गरेको हो।

जिल्लामा ५३ प्रतिशतले मात्र कोभिड बिरुद्धको खोप लगाएको तथ्याङ्क रहेकाले बाँकी रहेकाहरुलाई पनि अनिवार्य खोप लगाउन आग्रह गर्दै खोप अभियान 'महिना' संचालन गरिने मकवानपुरका प्रमुख जिल्ला अधिकारी भरतमणी पाण्डेले बताए। जिल्लाका मनहरी गाँउपालीका,राक्सिराङ गाँउपालीका,कैलाश गाँउपालीका र बकैया गाँउपालीकामा अधिकांशले खोप नलगाएको देखिएकाले उक्त गाँउपालीकाहरुमा खोप अभियान संचालन गर्ने तयारी भएको प्रजिअ पाण्डेले बताए ।

बैठकले बिहिबारबाट जिल्लाको राक्सिराङ,कैलाश,मनहरी, बकैया लगायतका गाउँपालीकाहरुमा विशेष खोप अभियान सञ्चालनगर्ने,स्थानिय तहका विभिन्न सरकारी कार्यालय,विद्यालय मानिसहरुको भिडभाड हुने स्थानहरुमा हेल्थ डेस्क स्थापना गर्ने तथा खोेप नलगाएका स्थानियहरुलाई खोप लगाउन उत्प्रेरित गर्ने लगायतको निर्णय गरेको उल्लेख गरिएको छ।