यातायात क्षेत्रको प्रवर्द्धन गर्न तयारः बानियाँ

२४ पुस, हेटौंडा । नेपाली कांग्रेस बागमती प्रदेश सभापति इन्द्रबहादुर बानियाँले यातायात क्षेत्रको प्रवर्द्धनका लागि नेपाली कांग्रेस तयार रहेको बताएका छन् । 
सांखु शालिनदी यातायात प्रालिको तेस्रो साधारणसभालाई पोखरामा सम्बोधन गर्दै कांग्रेस बागमती प्रदेश सभापति बानियाँले यातायात क्षेत्रको समस्या समाधानमा नेपाली कांग्रेसले काम गरिरहेको भन्दै यसको प्रवद्र्धन पनि कांग्रेसले नै गर्ने बताए । उनले यातायात क्षेत्रमा रहेको समस्याबारे आफु जानकार रहेको भन्दै नीतिगत एवं प्रशासनिक क्षेत्रमा आवश्यक सुधारका लागि आफुले पहल गर्ने बताए । नेपालको अर्थतन्त्रको विकासमा नीजि क्षेत्रका यातायात व्यवसायीहरुको महत्वपूर्ण भूमिका रहेकाले व्यवसायीहरुले झेल्नुपरेका समस्या समाधानमा सरकारले ध्यान दिनुपर्नेमा जोड दिंदै उनले वर्तमान सरकार यसतर्फ अग्रसर हुने बताए । 
प्रालिका अध्यक्ष गोविन्दबहादुर श्रेष्ठको सभाध्यक्षता एवं प्रदेशसभापति बानियाँको प्रमुख आतिथ्यतामा भएको कार्यक्रममा नेपाली कांग्रेसका महाधिवेशन प्रतिनिधि प्रविनमान सिंह, नेताहरु उपेन्द्र कार्की, कबिर शर्मा, शंखरापुर–४ का वडा अध्यक्ष विष्णुबहादुर श्रेष्ठ, राप्रपाका राजु विष्ट, रमेश नापित, प्रालिका सल्लाहकार रामेश्वर श्रेष्ठ लगायतको उपस्थिति रहेको थियो ।