लागुऔषध सहित  ८२ वर्षीय  भारतीय नागरिक प्रकाउ

१७ असोज, हेटौँडा । मकवानपुर प्रहरीले सुटकेश भित्र २३ वटा पोकामा लुकाएर ल्याएको करिब १२ लाख रुपैयाँ बराबरको  लागुऔषध सहित ८२ वर्षीय एक  भारतीय नागरिकलाई प्रकाउ गरेको छ । पक्राउ पर्नेमा भारत बिहार चम्पारण रक्सौल नांगारोड वडा नम्बर ११ बस्ने वर्ष ८२ बर्षीय बिजय कुमार कपुर रहेको जिल्ला प्रहरी कार्यालय मकवानपुरले जनाएको छ । 

ईलाका प्रहरी कार्यालय पशुपतिनगर, मकवानपुरबाट खटिएको प्रहरी टोलीले हेटौँडा १५ स्थित रातोमाटे चेकपोष्ठमा बिरगंजबाट हेटौडाहुदै काठमाण्डौ जान लागेको ना. ६ ख. ८९६८ नम्बरको यात्रुबाहक बस रोकी जाँच गर्दा सोही बसमा सवार भई आएका कपुरलाई शंका लागी उनको शरीर तथा चिज वस्तु खानतलासी गर्दा  उनको सुटकेश भित्र २३ वटा पोकामा टेपले बेरी कालो रङको प्लाष्टिकमा लुकाई छिपाई ल्याएको  लागू औषध डाईजेपाम ८०० एम्पुल, फेनारागन ८०० एम्पुल र ब्यूपोनर्फिन ८०० एम्पुल गरी जम्मा २४०० एम्पुल   फेला परिएको जिल्ला प्रहरी कार्यालय मकवानपुरका प्रवक्ता डिएसपी दिलिपराज झाले जानकारी बताए ।  प्रारम्भिक अनुसन्धानका क्रममा कपुरले कलङ्कीमा उक्त परिणामको लागुऔषध बेच्ने योजनामा रहेको खुलेको र उनलाई लागू औषध ऐन २०३३ बमोजिम म्याद थप गरी अनुसन्धान गर्ने तयारी भईरहेको डिएसपी  झाले जनाएका छन ।