काँग्रेससहित ६ दल बृहत लोकतान्त्रिक गठबन्धन निर्माणमा सहमत,  विहिबार (आज) ७ सदस्यीय उच्चस्तरीय कार्यदल बन्ने 

१९ असोज, हेटौँडा । आगामी मंसिरमा हुने प्रदेश सभा र प्रतिनिधि सभा निर्वाचनका लागी नेपाली कांग्रेस सहितका ६ दलले बृहत लोकतान्त्रिक गठबन्धन निर्माण गरेर तालमेल गर्ने सहमति गरेका छन् । सत्ता साझेदार माओवादी केन्द्रले प्रमुख प्रतिपक्षि एमाले र नयाँ शक्ति पार्टी नेपालसँग तालमेल गर्ने निर्णय गरेसँगै अर्को सत्तारुढ दल नेपाली काँग्रेससहित ६ दल विच यस्तो सहमती भएको हो । 
प्रधानमन्त्री शेरबहादुर देउवाको सरकारी निवास बालुवाटारमा बुधबार भएको बैठकमा काँग्रेस, राप्रपा, राप्रपा प्रजातान्त्रिक, राजपा, संघीय समाजवादी फोरम, नेपाल लोकतान्त्रिक फोरम सम्मिलित बृहत लोगकतान्त्रिक गठबन्धन निर्माण गर्ने सहमति भएको हो ।
कांग्रेस सहतिको बृहत लोकतान्त्रिक गठबन्धले विहिबार (आज) सात सदस्यीय उच्चस्तरीय कार्यदल बनाउने निर्णय पनि गरेका छन् । कार्यदलमा काँग्रेसका २ जना, बाँकी पाँच दलका १–१ जना सदस्य रहने बताइएको छ । यो कार्यदलले नै लोकतान्त्रिक गठबन्धन निर्माणका लागि आवस्यक गृहकार्य गर्ने बताइएको छ । 
बुधबारको बैठकमा प्रधानमन्त्री देउवा, राप्रपाका कमल थापा, राप्रपा प्रजातान्त्रिकका पशुपतिशमशेर राणा, राजपाका अध्यक्ष मण्डलका संयोजक महन्थ ठाकुर, संघीय समाजवादी फोरमका अध्यक्ष उपेन्द्र यादव र नेपाल लोकतान्त्रिक फोरमका विजय गच्छदार लगायत नेताहरु सहभागि रहेका थिए ।