मकवानपुरमा डेढ महिनामा ओभरलोड बोक्ने ६७९ टिपर परे कार्वाहीमा

२४ माघ,हेटौंडा। मकवानपुरमा रहेका तिन वटा सिमेन्ट उद्योगका साथै उन्य प्रयोगका लागि नदिजन्य पदार्थ र चुनढुङ्गा बोक्ने ६७९ टिपरलाई कार्वाही गरिएको छ।उक्त संख्याका टिपरलाई तोकिएको भन्दा बढी(ओभरलोड)बोकेका कारण कार्वाही गरिएको हो।  

मकवानपुरको मुख्य बजार,मानव बस्ति तथा  राजमार्ग भएर ओभरलोड बोकेर हुइकिने टिपरलाई कार्वाही गरिएको मकवानपुरका ट्राफिक प्रहरी प्रमुख प्रहरी निरीक्षक प्रकाश पाण्डेले बताएका छन। 

ट्राफिक प्रमुख पाँण्डेले नियमित चेकजाँचका क्रममा,जिल्लाभित्र रहेका ट्राफिक चेकपोस्टमा र राजमार्ग चेकिङका क्रममा ओभरलोड चुनदुङ्गा बोकेका ६७९ टिपरलाई ट्राफिक जरिवान(कार्वाही) गरिएको बताएका छन।स्थानीयस्थरबाट ओभरलोडका कारण उत्पन्न हुने दुर्घटना र आएको जनगुनासो सहित नियमित चेकजाँच र सचेत गराउदा समेत टिपरले नमाने पछि यही पुस महिनादेखि अभियाननै चलाएर ओभरलोड बोकेका टिपरलाई कार्वाही गरिन थालिएको प्रहरी निरीक्षक पाँण्डेले बताए।

"अहिले अभियाननै सञ्चालन गरेर ओभरलोड बोकेका टिपरलाई कार्वाही गर्ने गरेका छौ, पुस १ गतेदेखि माघ २३ गते आइतबार सम्म करिब ६७९ ओभरलोड बोकेका टिपरलाई कार्वाही स्वरुप ट्राफिक नियममा उल्लेख भए बमोजिम अधिकतम २ हजार सम्म जरिवाना तिराएका छौ,जरिवाना मात्र गरेर ओभरलोड नियन्त्रणमा आउने होइन,स्वयं टिपर चालक र व्यवसायीले नियम पालना गरे ओभरलोडको समस्या आउदै,आउदैन"।- ट्राफिक प्रमुख पाँण्डेले भने।उनले उक्त टिपेको कारबाहीबाट किरब  ७ लाख १२ हजार ५ सय राजस्व सङ्कलन भएको बताए।

यता यस बिषयमा बुझ्दा मकवानपुरका प्रहरी प्रमुख एसपी सुरेन्द्र बहादुर गुरुङले तोकिएको भन्दा बढी ढुङ्गा बोकेका टिपरलाई कार्वाही गर्न ट्राफिक प्रहरीलाई  स्पष्ट आदेश दिएको बताए।