बाजुराबाट काँग्रेसका  ४२ जनाको नाम सिफारिस

१९ असोज बाजुरा । आगामी मंसिर १० र २१ मा हुने प्रतिनिधिसभा तथा प्रदेशसभाको निर्वाचनका लागि  नेपाली काँग्रेस बाजुराले  उम्मेदवारको नाम सिफारिस गरी केन्द्रमा पठाएको छ । 

सिफारिस गरिएको सूचीमा प्रतिनिधिसभाको प्रत्यक्षतर्फका लागि कविराज पण्डित, देवराज जोशी, बद्रीप्रसाद पाण्डे र रामसिंह रावलको रहेका छन  ।  बद्रीप्रसाद पाण्डे  व्यवस्थापिका–संसद् सदस्य र कविराज पण्डित जिल्ला पार्टी सभापति रेहका छन भने देवराज जोशी पूर्व सांसद हुनु र रामसिंह रावल त्रिवेणी नगरपालिकाका नगर प्रमुख रहेको छ ।

प्रतिनिधिसभाको समानुपातिकतर्फ जुनाकुमारी दानी, निर्मलाकुमारी रावल, विद्यादेवी तिमिल्सेना, महा सनाई (नेपाली) र होमनाथ जोशीको नाम सिफारिस भएको पार्टी सभापति कविराज पण्डितले बताएको छन ।

यसैगरी, प्रदेशसभामा प्रत्यक्षतर्फ निर्वाचन क्षेत्र नम्बर १ बाट जनकराज गिरीको मात्र नाम सिफारिस गरिएको छ  भने निर्वाचन क्षेत्र नम्वर १ मा समानुपातिकतर्फ १० जनाको नाम सिफारिस गरिएको छ । समानुपातिकतर्फ  सिफारिस गरिएकोमा अरुणकुमार शाही, ऐनबहादुर मल्ल, नरवीर कामी, निर्मलाकुमारी रावल, विद्या तिमिल्सेना, मनमती बूढा, रीता सिंह, साइमल लुहार, सुभद्रा भण्डारी (पाण्डे) र शिव बोहरा रहेका छन  ।

त्यसैगरी, प्रदेशसभाका लागि निर्वाचन क्षेत्र नम्बर २ मा ६ जनाको नाम सिफारिस गरिएका छ जसमा  चक्रबहादुर शाह, जुनाकुमारी दानी, पदमबहादुर शाही, मनबहादुर रावल, मीनबहादुर धामी र रङबहादुर खाती रहेका छन । यसैगरी, प्रदेशतर्फ समानुपातिकमा १६ जनाको नाम केन्द्रमा पठाइएको छ । केन्द्रमा पठाइएको प्रदेशतर्फ समानुपातिकको सुचिमा अमृताकुमारी सिंह, आनन्द मिजार, उमा रोकाया, ओमकार बोगटी भोटे, कौशल विक, खडक साउद, दिपादेवी बोहरा, धनराज पण्डित, पदमबहादुर नेपाली, पुने सार्की, वीरभाने विक, रनसिंहबहादुर अयडी, राधिकाकुमारी शाही (सिंह), सिर्जना ऐडी र शेरबहादुर खाती हरेको  सभापति  पण्डितले जानकारी दिएका छन ।