एमाले मकवानपुरले प्रतिनिधि सभा र प्रदेश सभाका उम्मेदवारको सिफारीस टुुङग्यायो 

१९ असोज, हेटौँडा । आउँदो मंसिर २१ गते हुने प्रतिनिधिसभा निर्वाचनको लागि नेकपा एमाले मकवानपुरले क्षेत्र नंबर १ र २ का लागी उम्मेदवार सिफासिर टुङगयाएको छ । विहिबार हेटौँडामा भएको क्षेत्रीय कमिटिहरुको छुटाछुटै बैठकले प्रतिनिधिसभाको उम्मेद्वारहरु सिफारिसको टुङगो लगाएको हो । 
बैठकले क्षेत्र नम्बर १ का लागी कृष्णप्रसाद दाहाल, अनन्त पौडेल र चन्द्रकला ढुंगानाको नाम सिफसिर गरेको छ । यसैगरी एमाले मकवानपुरले क्षेत्र नंबर २ का लागी  बिरोध खतिवडा, ठाकुराम खड्का र शुवासचन्द्र ठकुरीको नाम सिफारिस गरेको छ ।
एमाले केन्द्रीय कमिटिले निर्देशन गरे बमोजिम एक महिला सहित ३ जना उम्मेद्वारको लागि सिफारिस गर्नुपर्ने भए पनि क्षेत्र नम्बर २ मा महिला आकांक्षि नरहेकाले तीन जना पुरुषकै नाम सिफारिस गरिएको बताइएको छ ।
यसअघि नेकपा एमाले मकवानपुरले प्रदेश सभा निर्वाचनका लागी बुधबारनै चारै क्षेत्रका उम्मेदवारको नाम सिफासिर गरीसकेको छ । सिफरिसमा पर्नेहरुमा प्रदेश नम्बर १ बाट बद्रि लम्साल, रामचन्द्र राई, कमल विष्ट, कृष्णप्रसाद चौलागाई, अणराज जर्घामगर, मदन दाहाल र सीता विष्ट रहेका छन् । यस्तै २ नम्बर क्षेत्रबाट रामेश्वर रानाको नाम सर्वसम्मत उम्मेदवारका रुपमा चयन भएको छ भने ३ नम्बरबाट डोरमणि पौडेल, श्रीधर पोखरेल र गायत्री सुवेदीको नाम सिफारीस भएको छ । यसैगरी ४ नम्बर क्षेत्रबाट सांसद राजाराम स्याङ्तानसहित फटक बहादुर (पीबी) गोले, दुर्गा सुवेदी र महेश बर्तौलाको नाम सिफारिस गरिएको छ ।