प्रदेश प्रतियोगिताका लागि मकवानपुरका खेलाडी छनौट

१५ फागुन, हेटौंडा । प्रथम बागमती प्रदेश खेलकुदका लागि मकवानपुरबाट शनिवार करातेका खेलाडी छनौट भएका छन् । फागनु २८ गते बाट हुने प्रदेश प्रतियोगिताका लागि विभिन्न पालिकाबाट आएका खेलाडीहरु वीच प्रतिपर्धा भएको छ । 
छनौट हुनेमा हेटौडाका ५० केजीमा अपर्ण थापा मगर, ५५ केजीमा सुरेन्द्र रुब्वा, ६१ केजीमा पुष्पराज खनाल  र ६७ केजीमा सोनी मोक्तान छन् । यस्तै बकैयाबाट ६७ केजीमा उत्तम स्यांतान,८४ केजीमा विमल माझी, ५० केजीमा स्नेहा पराजुली, ५५ केजीमा प्रेरणा थिंङ,६१ केजीमा लक्ष्मी मोक्तान छनौट भएका जिल्ला खेलकुद विकास समितिले जनाएको छ । 
यस्तै ७४ केजी तौल समुहमा बागमती गाउँपाकिलाका रामशरण माझी, ५० केजीमा थाहानगरपालिकाकी बविता बलामी छनौट भएका छन् । एथलेटिक्समा पुरुष तर्फ हेटौडाबाट सन्देश राई, सागर लामा, जयकुमार थापामगर, संजीव मिजार छनौट भएका छन् । 
बकैयाबाट छिरिङ लामा, रन्जिता फुयाल, सन्तोष गौतम, छनौट भएको एथलेटिसक्स संघका अध्यक्ष प्रभाकर पाण्डेले जानकारी दिएका छन् । यसै गरि मनहरीबाट गौरव मोक्तान, थाहानगरपालिकाबाट पविता विष्ट, मकवानपुर गढीबाट मन्दिरा घिमिरे, सरस्वती वि.क  छनौटभएका छन् ।
यस्तै शनिवारनै भएको तेक्वान्दो छनौटमा हेटौडाबाट विप्लप वाईवा, अनप राई, कृेष्ण मोक्तान, विवेक माझी, सुरज स्याङवो, पुजन केसी, कनिा राई, आदित्य पराजुली र समिर भुजेल, रुमीसा राई, निरन्जना राना, विविका थापामगर छनौट भएका छन । कैलाशबाट सुकुमाया भ्लोन, आयुषा थिङ र आरती थिङ तथा बकैयाबाट प्रेरणा लामा मोक्तान छनौट भएको तेक्वान्दोका प्रशिक्षक माधव कोईरालाले जानकारी दिएका छन् । 
शनिवारबाट सुरु भएको क्रिकेटको जिल्ला छनौट १६ गते सोमबार सकिने छ भने फागुन १५ गते बक्सिङ, भलिवल र व्याडमिन्टन १६ गते तथा फुटबलको छनौट १७ र १८ गते गर्ने खेलकुद विकास समितिका प्रमुख राजन दाहाल खुशराजले बताएका छन् ।