हेटौँडा प्रदेश राजधानीमा प्रस्ताव

२३ असोज, हेटौँडा । मध्यमाञ्चल क्षेत्रीय सदरमुकाम हेटौँडालाई पनि सम्भावित प्र्रादेशिक राजधानीको रुपमा प्रस्ताव गरिएको छ । 
अधिकारसम्पन्न संघीय प्रशासनिक पुनःसंरचना समितिले ७ वटा प्रदेशको राजधानीबारे गरेको प्रस्तावमा हेटौँडा ३ नम्बर प्रदेशको राजधानीको रुपमा प्रस्ताव गरिएको हो । 
सामान्य प्रशासनमन्त्री टेकबहादुर बस्नेतको अध्यक्षतामा रहेको अधिकारसम्पन्न संघीय प्रशासनिक पुनःसंरचना समितिले प्रदेश राजधानीबारे प्र्रस्ताव गरेको छ । समितिको प्रतिवेदनअनुसार प्रदेश नम्बर–१ को विराटनगर, धनकुटा वा इटहरी, प्रदेश नम्बर–२ को जनकपुर, प्रदेश नम्बर–३ को बनेपा, धुलिखेल, काठमाडौं वा हेटौंडा, प्रदेश नम्बर–४ को पोखरा छन् । 
त्यस्तै, प्रदेश नम्बर–५ को दाङ वा बुटवल, प्रदेश नम्बर–६ को सुर्खेत र प्रदेश नम्बर–७ को दिपालय वा धनगढीलाई अस्थायी राजधानी तोकिएको छ । तोकिएका प्रदेश राजधानी अस्थायी हुने र प्रदेशसभापछि स्थायी बनाइने भएको छ । 

यसैगरी, हाल विद्यामान ३१ ओटा मन्त्रालयलाई घटाएर १५ ओटामात्र मन्त्रालय राख्न प्रस्ताव गरिएको छ । मुलुकलाई संघीय संरचनामा विद्यमान मन्त्रालयलाई समायोजन गर्दा १५ ओटा मन्त्रालय रहने सामान्य प्रशासन मन्त्रालयमा प्रवक्ता शिवहरि न्यौपानेले जानकारी दिए ।

तस्विर : विकिपेडिया