बुङ्दल सामूदायिक वनको २६ औ बार्षिक साधारणसभा सम्पन्न

५ चैत,हेटौंडा। मकवानपुरगढी ५ मा रहेको बुङ्दल सामूदायिक वन उपभोक्ता समूहको २६ औं वार्षिक साधारणसभा सम्पन्न भएको छ।  समूहका अध्यक्ष चन्द्रप्रसाद दुलालको सभाध्यक्षता तथा सामूदायिक वन उपभोक्ता महासंघ मकवानपुरका अध्यक्ष साधुराम चौलागाईको प्रमुख अतिथ्यतामा साधारणसभा शनिबार सम्पन्न भएको हो ।
वन समूहकी सचिव सम्झना तिमल्सिनाले प्रगति प्रतिवेदन प्रस्तुत गर्दै विभिन्न उपसमिति गठन गरि बेसार खेती प्रवद्र्धन, लघु उद्यम सञ्चालन कार्यविधि २०७८ तयारी, पर्यापर्यटन कार्यविधि २०७८ तयारी जस्ता क्रियाकलाप गरिएको  जानकारी गराइन। वन समूहले यस आर्थिक वर्षमा करिब २७ लाख ४९ हजार १०७ रुपैयाँको आर्थिक कारोबार गरेको  जनाइएको छ।

साधारणसभा कार्यक्रममा मकवानपुरगढी वडा नम्बर ५ का वडा अध्यक्ष जीतबहादुर घिमिरे, फेकोफनका जिल्ला कोषाध्यक्ष तथा मकवानपुरगढी अध्यक्ष बलराम अधिकारी,थाकलडाँडा सामूदायिक वन समूहका अध्यक्ष बलराम फुँयाल, नमुना सामूदायिक  वन समूहका अध्यक्ष खडानन्द न्यौपाने, वुङ्दल वन समूहका सल्लाहकार जयराम तिमल्सिना,हरिमाया अधिकारी, वन समूहकी उपाध्यक्ष राधिका छत्कुली, रानी वनका कार्यालय सचिव भीमसेन पौडेल लगायतकाको आतिथ्यता रहेको थियो ।