शिक्षक अध्यापन अनुमति पत्रको लिखित परीक्षाको पाठ्यक्रम परिमार्जन 

१२ चैत, हेटौंडा । शिक्षक सेवा आयोगले निम्न माध्यमिक र माध्यमिक तहको शिक्षक अध्यापन अनुमति पत्रको लिखित परीक्षाको पाठ्यक्रम परिमार्जन गरेको छ । 
आयोगको चैत २ गते बसेको बैठकले पाठ्यक्रम परिमार्जन गर्ने निर्णय गरेसँगै अध्यापन अनुमति पत्रको परिक्षामा ५० वटा वस्तुगत प्रश्न मात्रै सोध्ने भएको छ । जसको अङ्कभार २ नम्बर रहेको छ । यसले परिक्षा भएको तीन महिना भित्र अध्यापन अनुमति पत्र परिक्षार्थीको हातमा पु¥याउन सकिने आयोगका प्रवक्ता सुदर्शन मरहठ्ठाले जानकारी दिए । 
यसअघि विषयगत अध्यापन अनुमति पत्र दिने व्यवस्था अनुसार ४० नम्बरको वस्तुगत प्रश्न र ६० नम्बरको विषयगत प्रश्न सोध्ने गरिएको थियो । जुन व्यवस्थाले एक वा एक भन्दा बढि विषयमा शैक्षिक योग्यता हासिल गरेका व्यक्तिले विषयगत रुपमा एक भन्दा बढि अनुमति पत्र लिनुपर्ने बाध्यता थियो । 
पाठ्यक्रम परिमार्जन भएसँगै कक्षा १२ उतीर्ण गरि शिक्षा विषयमा १० महिना तालिम पुरा गरेका व्यक्तिले विषयगत रुपमा नभई जुनसुकै विषयमा पनि अध्यापन अनुमति पत्रको परिक्षा दिन पाउनेछन् । 
यस्तै स्नातक तहमा अङ्ग्रेजी, गणित विज्ञान, लेखा, कम्प्युटर विज्ञान, सिभिल÷इलेक्ट्रिकल इन्जिनियरीङ, पशु पालन र बाली विज्ञान विषय लिएका व्यक्तिले शिक्षा सम्बन्धी १० महिनाको तालिम लिन नपर्ने भएको छ । परिमार्जन गरेको पाठ्यक्रम अनुसार नै शिक्षक अध्यापन अनुमति पत्रको आगामी परीक्षा सञ्चालन हुनेछ ।