हेटौँडामा आँखा संकलन केन्द्र स्थापना गरिने

  २६ असोज, हेटौँडा । सबैका लागी आँखा स्वास्थ्थ दृष्टिीको महत्व बुझौ, विश्व दृष्टि दिवस मनाऔ भन्दै  हेटौँडामा विश्व दृष्टि दिवस मनाईएको छ । सामुदायीक आँखा अस्पताल हेटौँडाले जनप्रतिनिधी, सरकारी ,गैरसरकारी, संघ संस्थाका प्रतिनिधी र पत्रकारहरुसंग  अन्तरक्रिया कार्यक्रमको आयोजना विश्व दृष्टि  दिवस मनाएको हो ।

कार्यक्रममा कार्यपत्र प्रस्तुत गर्दै अस्पतालकी  डाक्टर मनिता अमात्यले अस्पतालले ओपिडी , ईमरजेन्सी र र्सजरी गरी  सन २००८ देखी २०१६ सम्म ७८ हजार विरामीले अस्पतालबाट सेवा लिएको बताईन । साथै उनले मनहरी, छतिवन, पालुङ्मा सेटेलाइट क्लिनिक संचालनमा रहेको बताउदै छिटै पालुङ् सेटेलाइट क्लिनिकलाई सामुदायीक आँखा केन्द्रको रुपमा विकास गरीने र बागमती गाउपालीकाको फापरवारीमा नयाँ सेटेलाइट क्लिनिक स्थापना गरी सेवा दिने तयारी भईरहेको बताईन । 
त्यसैगरी अस्पतालका संरक्षक सिद्धीलाल श्रेष्ठले निकट भविष्यमै सामुदायीक आँखा अस्पताल हेटौँडामा आँखा संकलन केन्द्रको स्थापना गरीने बताए । उनले हाल सन २०१६मा  ५३ हजार विरामीलाई सेवा दिने लक्ष्य राखेकोमा अस्पतालले ५५ हजार विरामीलाई सेवा दिएको बताउदै  सन २०१७ मा  ५६ हजार विरामीलाई सेवा दिने लक्ष्य राखेकोमा अस्पतालले हाल सेप्टेबर सम्म  ४६ हजार विरामीलाई सेवा दिई सकेको बताए ।
अन्तरक्रिया तथा गोष्टी कार्यक्रममा जिल्ला समन्वय समितिका सभापति रघुनाथ खुलाल, हेटौडा उपमहानगरपालिकाका मेयर हरि बहादुर महत, सहायक प्रजिअ दिनेश खडका, जिल्ला प्रहरी कार्यालय मकवानपुरका प्रमुख विकाश राज खनाल, हेटौँडा अस्पतालका मेसु कमल दवाडी , जिल्ला जनस्वाथ्थ कार्यालय मकवानपुरका प्रमुख  राम चन्द्र पाठक, १० नम्बरका वडाध्यक्ष किताब सिंह लामा लगायत लियो तथा लायन्स क्लबका प्रतिनधी र राजनैतिक दलका प्रतिनिधीेहरुको सहभागिता रहेको थियो ।