आईपीएलमा साविक विजेता चेन्नईको लगातार दोस्रो हार

१८ चैत, हेटौंडा । इन्डियन प्रिमियर लिग (आईपीएल) टी–२० क्रिकेटमा साविक विजेता चेन्नई सुपर किङ्सले लगातार दोस्रो हार ब्यहोरेको छ । लखनउ सुपर जाइन्टले पहिलो जित्ने क्रममा चेन्नई लगातार दोस्रे पटक पराजित भएको हो ।
बिहीबार राति भएको रोमान्चक खेलमा साविक विजेता चेन्नई सुपर किङ्सलाई ६ विकेटले पराजित गर्यो । चेन्नईले दिएको २ सय ११ रनको लक्ष्यसहित जवाफी ब्याटिङ गरेको लखनउले १९ ओभर ३ बलमा ४ विकेट गुमाएर लक्ष्य पूरा भेट्टायो ।
लखनउका लागि क्विन्टन डी ककले ६१ रनको अर्धशतकीय इनिङ खेले । इभिन लेविसले अविजित ५५ रन जोड्दा कप्तान केएल राहुलले ४० रन जोडे । आयुसले अविजित १९ रन बनाए । चेन्नईका ड्वाने प्रिटोरिउसले २ विकेट लिए ।
यस अघि पहिले ब्याटिङ गरेको चेन्नईले २० ओभरमा ७ विकेट गुमाएर २ सय १० रन बनाएको थियो । चेन्नईका लागि रोबिन उथप्पाले ५० रनको अर्धशतकीय इनिङ खेले । शिबम डुबेले ४९ रन जोड्दा मोइन अलीले ३५ रन बनाए । कप्तान रविन्द्र जडेजा १७ तथा महेन्द्र सिंह धोनी १६ रनमा आउट भए । लखनउका आभेस खान, एन्ड्रयु टे रबि बोस्नोईले २÷२ विकेट लिए ।
यस जितसँगै चेन्नईले २ खेलमा अंक जोड्न सकेको छैन । पहिलो खेलमा चेन्नईलाई कोलकत्ता नाइट राइडर्सले हराएको थियो । जितपछि लखनउले २ खेलमा २ अंक जोडेको छ  । पहिलो खेलमा लखनउ गुजरात टाइटन्ससँग पराजित भएको थियो ।