हयग्रीव आचार्य नेपाली लेखक संघको केन्द्रीय सदस्यमा निर्वाचित 

२० चैत, हेटौंडा । मकवानपुर साहित्यकार हयग्रीव आचार्य नेपाली लेखक संघको केन्द्रीय सदस्यमा निर्वाचित भएका छन् । 
शनिबार पोखरामा सम्पन्न संघको सातौं राष्ट्रिय अधिवेशनबाट आचार्य खुला केन्द्रीय सदस्यमा निर्वाचित भएका हुन् ।
अधिवेशनले कवि तीर्थ श्रेष्ठलाई आगामी तीन वर्षका लागि अध्यक्षमा निर्विरोध चयन गरेको छ । यस्तै संघको सहअध्यक्षमा डा. रत्नमणि नेपाल, खुला उपाध्यक्षमा शैलेन्दुप्रकाश नेपाल, कोषाध्यक्षमा दामु मर्सिफुल, खुला सचिवमा गणेश शर्मा र महिला सचिवमा अनुपमा रेग्मी पनि निर्विरोध चयन भएका छन् ।
मतदानबाट महिला उपाध्यक्षमा सन्ध्या पहाडी, महासचिव सोझो गाउँले र उपमहासचिवमा श्रीबाबु कार्की उदास निर्वाचित भएका छन् । अधिवेशनले कुल ३६ सदस्यीय केन्द्रीय समिति चयन गरेको छ ।
निर्वाचनपछि सपथ ग्रहणमा बोल्दै नवनिर्वाचित अध्यक्ष श्रेष्ठले नेपाली लेखक संघको नयाँ कार्यसमितिले आफ्नो कार्यकालमा देखिनेगरी काम गर्ने प्रतिबद्धता व्यक्त गरेका छन्े । सातै प्रदेशमा आफ्ना नियमित बैठक सहित अन्य उपलब्धीमूलक कार्यक्रम गरेर संघलाई गतिशिल र बलियो रुपमा अगाडी बढाउने श्रेष्ठको भनाई छ ।
अधिवेशनकै हवसरमा शुक्रबार मकवानपुरका कवि छवि अनित्यको दोस्रो कविता संग्रह ’तुइनको बाटोको समेत विमोचन गरिएको थियो । शुक्रबारदेखि दुईदिन चलेको राष्ट्रिय अधिवेशनमा देशभरबाट करिब तीनसय लोकतान्त्रिक लेखकहरुको सहभागिता रहेको थियो ।