बानियाँद्वारा ईन्द्रसरोबरमा एम्बुलेन्स हस्तान्तरण

२९ चैत, हेटौंडा । नेपाली कांग्रेस बागमती प्रदेशका सभापति एवं संसदीय दलका नेता इन्द्रबहादुर बनियाँले ईन्द्रसरोबरमा एम्बुलेन्स हस्तान्तरण गरेका छन् ।
बानियाँले इन्द्रसरोवर गाउँपालिका वडा नम्बर १ स्थित मार्खु स्वास्थ्य चौकीलाई एम्बुलेन्स हस्तान्तरण गरेका हुन् ।
स्वर्गीय दाजु राजकुमार बानियाँको स्मृतिमा उनले व्यक्तिगत लगानीमा खरिद गरेको एम्बुलेन्स इन्द्रसरोवर १ का वडाध्यक्ष जमानसिंह वाइबालाई हस्तान्तरण गरिएको छ । समाजिक एवं मानवीय भावनाले आफुले एम्बुलेन्स सहयोग गरेको भन्दै बानियाँले यसबाट यस भेगमा स्वास्थ्य समस्या पर्ने विरामीले लाभ हासिल गर्ने बताए ।
कार्यक्रममा बागमती प्रदेशका संस्कृति तथा पर्यटनमन्त्री दिपेन्द्र श्रेष्ठ, वडाध्यक्ष वाइबा लगायतले बानियाँको सामाजिक सेवाको प्रशंसा गरेका थिए । 
कार्यक्रममा मार्खु स्वास्थ्य चौकीका प्रमुख सुवास राना, कांग्रेस ललितपुर महासमिति सदस्य मिनकृष्ण महर्जन, इन्द्रसरोवर सभापति विश्व लामा, तरुण दल अध्यक्ष कृष्ण बलामी, समाजसेवी सुमन श्रेष्ठ, विभिन्न राजनीतिक दलका स्थानीय नेताहरुको उपस्थिति रहेको थियो ।
बानियाँले यसअघि पनि विभिन्न स्वास्थ्य संस्थालाई एम्बुलेन्स हस्तान्तरण गर्दै आएका छन् ।