आज पहा डी भेगमा आंशिकदेखि सामान्य मौसम बदली रहने 

३ बैशाख,  हेटौंडा । जल तथा मौसम विज्ञान विभाग अन्तर्गतको मौसम पूर्वानुमान महाशाखाले आज देशको पहाडी भू–भागमा आंशिकदेखि सामान्य बदली रहने जनाएको छ । 
महाशाखाका अनुसार हाल नेपालमा पश्चिमी वायुको साथै स्थानीय वायुको सामान्य प्रभाव रहेको छ।देशका पहाडी भू–भागमा आंशिक बदली रही अन्य भू–भागमा मौसम सामान्यतया सफा रहेको महाशाखाले जनाएको छ । 
आज दिउँसो देशको पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली रहने महाशाखाले जनाएको छ । देशको पहाडी भु–भागका थोरै स्थानहरूमा मेघ गर्जन÷चट्याङ्गसहित क्षनिक वर्षाको सम्भावना रहेको पनि महाशाखाले जनाएको छ । 
आज राति देशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने छ। प्रदेश १, गण्डकी प्रदेश र कर्णाली प्रदेशको पहाडी भू–भागका एक–दुई स्थानमा मेघ गर्जन÷चट्याङ्गसहित क्षनिक वर्षाको सम्भावना रहेको छ ।
देशको पहाडी भू–भागको थोरै स्थानहरुमा मेघ गर्जन÷चट्याङ्गसहित क्षनिक वर्षाको सम्भावना रहेको र तराई तथा चुरे क्षेत्रमा तापक्रम बढ्दो क्रममा रहेकाले गर्दा गर्मीका कारण हुन सक्ने असरबाट बच्न आवश्यक सतर्कता अपनाउन महाशाखाले अनुरोध गरेको छ ।