महिला विश्वकप छनोटको लागि ४४ खेलाडीलाई प्रशिक्षणमा बोलाइयो 

file photo

९ बैशाख, हेटौंडा । नेपाल क्रिकेट सङ्घ (क्यान)ले आईसीसी महिला १९ वर्ष मुनिको विश्वकप छनोटको लागि ४४ जना खेलाडीलाई बन्द प्रशिक्षणमा बोलाएको छ ।
क्यानले आज विश्वकप छनोटको लागि भन्दै ४४ जना महिला किशोरी खेलाडीलाई पहिलो चारणको बन्द प्रशिक्षणमा बोलाएको हो ।सन् २०२३ मा दक्षिण अफ्रिकामा आयोजना हुने १९ वर्ष मुनिको महिला विश्वकपको लागि खेलाडीलाई बोलाइएको हो । 
बन्द प्रशिक्षण वैशाख १० गतेबाट सुरु हुने समेत क्यानले जनाएको छ । पहिलो संस्करणको विश्वकपमा १६ राष्ट्रको सहभागिता रहने छ । 
प्रशिक्षणमा हेलिषा गुरुङ, किरण कुमारी कुवर, त्रिशाना विश्वकर्मा, अनु कडायत, सावित्री धामी, आस्मा पुलामी मगर, जिज्ञासा थापा, रन्जु श्रेष्ठ, सना प्रविन, यशोदा बिष्ट, एलिशा यादब, बिमला मलाहा, अलिसा कुमारी कडायत, हिरामायी रोय, स्नेहा महरा, मनिषा उपाध्याय, बिना थापा, अन्जिला थापा, मनिषा चौधरीलाई बोलाइएको छ ।
यस्तैगरी बिपिषा शाही, जोत्सिका मरासिनी, कुसुम गोदार, यासु पाण्डे, जोति दनवर, मधु राउत, श्रीमी सिंह थारु, भावना कामति, सोनी पाख्रिन, प्रिया मलह, सोनिया थापा, मनिष राना मगर, दिक्षा पुरी, नितु घर्ति मगर, सुष्मिता भुषाल, सलिना सिलवाल, प्रतिमा शाह, स्वस्तिका बजगाईं, शृष्ठी जैशी, अन्जली शाह, कृतिका मराशिनी, निशा शाह, अंग पेम्बा लिम्बु शेर्पा, टिका शाह र प्रज्ञा कटवाल पनि प्रशिक्षणका लागी छनोटमा परेका छन् ।