संसद्मा बजेट अधिवेशन सुरू, विभिन्न ८ वटा अध्यादेश पेश

file photo

४ जेठ, हेटौंडा । संसद्मा बजेट अधिवेशन सुरू भएको छ । गत चैत १ गते मध्यरातिदेखि अन्त्य भएको संसद् अधिवेशन मंगलबारदेखिसुरू भएको हो । 
बैठकको सुरुमा सभामुख अग्नीप्रसाद सापकोटाले राष्ट्रपति विद्यादेवी भण्डारीले संसद् अधिवेशन आह्वान गरेको पत्र पढेर सुनाएका थिए ।
मंगलबारको बैठकमा नेपाल प्रहरी र प्रदेश प्रहरी (कार्य सञ्चालन, सुपरिवेक्षण र समन्वय) (पहिलो संशोधन) अध्यादेश २०७८, सामाजिक सुरक्षा (पहिलो संशोधन) अध्यादेश २०७८, तेजाब तथा अन्य घातक रासायनिक पदार्थ (नियमन) अध्यादेश २०७८, औषधी (तेस्रो संशोधन) अध्यादेश, २०७९ पेश भएको छ ।
यस्तै स्वास्थ्यकर्मी तथा स्वास्थ्य संस्थाको सुरक्षा सम्बन्धी (पहिलो संशोधन) अध्यादेश २०७९, रेल्वे अध्यादेश २०७८, फौजदारी कसूर तथा फौजदारी कार्यविधि सम्बन्धी केही ऐनलाई संशोधन गर्ने अध्यादेश २०७८, यौन हिंसा विरुद्धका केही ऐनलाई संशोधन गर्ने अध्यादेश, २०७८ पेश भएको छ । 
संसद् बैठक आज दिउँसो १ बजेका लागि बोलाइएको छ । यसअघि हिजोको बैठकमा बेल्दै प्रमुख प्रतिपक्षी दल नेकपा एमालेका उपमहासचिव प्रदीप ज्ञवालीले देश नयाँ कोर्समा गएको र अर्थतन्त्रमा ठूलो सङ्कट उत्पन्न भएकाले संसद अवरोध नगर्ने स्पष्ट पारेका थिए ।