पाँच महानगरपालिकामा मत गणना जारी (कस्को कति मत ?)

८ जेठ, हेटौंडा । बैशाख ३० गते सम्पन्न स्थानीय तह सदस्य निर्वाचन अन्तर्गत देशभरका ६ मध्य पाँच महानगरपालिकाहरूको मत गणना अझै जारी रहेको छ ।
बिराटनगर महानगरपालिकाको मतगणना सम्पन्न भएको छ । बिराटनगरमा सत्ता गठबन्धनको तर्फबाट उम्मेद्वार रहेका नेपाली काँग्रेसका नागेश कोइराला विजयी भएका छन् । 
अन्य महानगरपालिकामा भने मतगणनाको काम चलिरहेको छ । काठमाडौं महानगरपलिकामा स्वतन्त्र उम्मेद्वार बालेन साहको अग्रता कायमै रहदा नेपाली कांग्रेसकी उम्मेदवार सिर्जना सिंह दोस्रो स्थानमा रहेकी छन् । 
यसैगरि पोखरा महानगरपालिकामा पनि एकिकृत समाजवादीका उम्मेद्वार धनराज आचार्य अगाडी रहँदा एमालेका उम्मेद्वार कृष्णबहादुर थापा दोस्रो स्थानमा रहेका छन् । यसैगरि भरतपुर महानगरपालिकामा रेनु दाहालले अग्रता बढाउँदै लगेकी छन् भने उनलाइ एमालेका विजय सुवेदीले पछ्याईरहेका छन् । 
यस्तै ललितपुर महानगरपालिकामा भने काँग्रेसका चिरिबाबु महर्जन अग्रस्थानमा छन् उनलाई एमालेका हरिकृष्ण व्यञ्जनकारले पछ्याइरहेका छन् । यसैगरी वीरगञ्ज महानगरपालिकामा जनता समाजवादी पार्टीका राजेशमान सिंह संग एमालेका उम्मेद्वार विजय सराबगी फराकिलो मतान्तरले पछाडी छन् । पाँच महानगरपालिकामा मतगणना सकिन अझै केही दिन लाग्ने आयोगले जनाएको छ ।
कस्को कति मत ?
काठमाडौं महानगरपालिका
वालेन्द्र साह स्वतन्त्र उम्मेदवार – ३८३३३
सिर्जना श्रेष्ठ नेपाली कांग्रेस –   २१२९९
पोखरा महानगरपालिका
धनराज आचार्य (एकिकृत समाजवादी) –३९३९०
कृष्णबहादुर थापा नेकपा एमाले –३६२०२
भरतपुर महानगरपालिका
रेनु दाहाल माओवादी केन्द्र –३५०९८
विजय सुवेदी  नेकपा एमाले २७६८३
ललितपुर महानगरपालिका
चिरीबाबु महर्जन नेपाली कांग्रेस –२७२४२
हरिकृष्ण ब्यञ्जनकार नेकपा एमाले –१५९८३
वीरगन्ज महानगरपालिका
राजेशमान सिंह जसपा, नेपाल –२७५१५
विजयकुमार सरावगी नेकपा एमाले –१४२३३